Bo ke pidi un kavel di èrfpagt pa traha kas?
Entregá un petishon e ora ei na Direktorado di R&O (Asuntunan di tereno).
Kiko e produkto òf servisio aki ta nifiká?
Bo ta pidi un tereno ku meta pa traha un kas.
Ki ora bo por pidi esaki?
Bo tin 18 aña òf mas. Estranheronan mester ta minimalmente 3 aña inskribí na registro sivil.
Abo (i tambe bo esposo/esposa si bo ta kasá) no por tin un tereno/kas propio komo propiedat òf na èrfpagt.
Kon bo por pidi esaki?
Pa entregá un formulario elektróniko pa tereno di èrfpagt, bo tin mester di e siguiente dokumentonan:
- Kopia sédula;
- Komprobante di domisilio resien(Registro Sivil);
- Gastunan di léges di USD $56 (por paga esaki online via e formulario elektróniko, òf na Registro Sivil òf via un transferensia bankario).
Ku ken bo por tuma kontakto?
Bali di Direktorado R&O (Asuntunan di tereno). E-mail general: directie_ro@bonairegov.com.
Pago di léges: via Asuntunan Sivil (òf segun e instrukshon riba e informashon di pago).
Kuantu e ta kosta?
E gastunan pa un petishon di èrfpagt ta $56,- na léges. Esaki bo ta paga na Registro Sivil.
Por hasi e pago online tambe riba e kuenta di MCB number 301.00.203.
Ora di pago, menshoná klaramente bo nòmber i number di èrfpagt komo referensia.
Bo no ta di akuerdo ku e desishon?
Bo no ta di akuerdo ku un desishon?
Mayoria biaha bo por entregá un opheshon e ora ei.
Puntra na bali òf wak den e karta di desishon kon bo ta hasi un opheshon i dentro di kua término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
