Bo ke kombiná dos òf mas parsela di erfpacht? Den e kaso ei, bo por entregá un petishon na Direktorado di Planifikashon i Desaroyo R&O).
Kiko e produkto òf servisio aki ta nifiká?
Direktorado di Planifikashon i Desaroyo por pidi dokumento adishonal, manera informashon di Kadaster i un plan di tereno yamá situatietekening.
Den kaso di un union, ta kombiná parsela hasi un solo entidat. Esaki por tin konsekuensia pa kanòn, derecho, i atministrashon.
Ki ora bo por pidi esaki?
Parsela mester ta kombinabel (p.e. mester ta pegá ku otro i mester kuadra ku e destinashon/ maneho).
Kon bo por pidi esaki?
Entregá un petishon por eskrito na Direktorado di Planifikashon i Desaroyo ku: bo datonan, dato di erfpacht, number di parsela, i un splikashon di e motibu di kon bo ke kombiná e terenonan di erfpacht. Inkluí (si ta disponibel) un rapòrt di Kadaster i un situatietekening. Direktorado di Planifikashon i Desaroyo lo informá bo di e siguiente pasonan nesesario.
Ku ken bo por tuma kontakto?
Pa pregunta bo por tuma kontakto ku Sentro di Kontakto ku Kliente (KCC) di EPB:
- Number di telefòn: +599 715 5330
- Djaluna te ku djaweps: 08:00–12:00 or i 14:00–17:00 or
- Djabièrnè: 08:00–12:00 or i 14:00–16:30 or
- E-mail: info@bonairegov.com
- WhatsApp:(+599) 715 5330
- Bo por usa funshon di chat tambe dibonairegov.com
Kuantu tempu e ta tuma?
Dependé di evaluashon i koordinashon ku Kadaster/atministrashon.
Bo no ta di akuerdo ku e desishon?
Bo no ta di akuerdo ku un desishon? Mayoria bia bo por presentá un opheshon. Puntra na bali òf den e karta di desishon kon pa presentá un opheshon i den ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
