Bo tin èrfpagt i bo ke apliká pa un ekspanshon chikí di e tereno original ku nan a parti, bende den parsela mas chikí? E ora ei bo por entregá un petishon.
Kiko e produkto òf servisio aki ta nifiká?
Direktorado di Planifikashon & Desaroyo (R&O) por pidi informashon èkstra, manera papel di kadaster i pintura di situashon.
Den algun kaso Direktorado di Planifikashon & Desaroyo (R&O) por permití un ekspanshon riba e tereno original. Pero un ekspanshon no por ta mes òf mas grandi ku e e tereno original.
Un ekspanshon ta mayoria biaha un repi di tereno. Hopi biaha e ekspanshon nota adekuá pa konstrukshon independiente.
Ki ora bo por pidi esaki?
Si tin un pida tereno (chikí) banda di bo parsela di èrfpagt ku no ta den uso, bo por entregá un aplikashon. Òf si bo mester di èkstra tereno (domeingrond)ku tin frontera ku bo parsela di èrfpagt eksistente.
Kon bo por pidi esaki?
Tuma e siguiente pasonan
- Entregá un petishon por eskrito na Direktorado di Planifikashon & Desaroyo (R&O).
- Menshoná dato di bo èrfpagt, dato di bo parsela i bo datonan di kontakto.
- Pone (si esei ta disponibel) papel di kadaster i pintura di situashon aserka.
- Direktorado di Planifikashon & Desaroyo (R&O) ta laga bo sa sa kua ta e siguiente pasonan.
Ku ken bo por tuma kontakto?
Bali di Direktorado di Planifikashon & Desaroyo (R&O).
Bo por manda mail tambe pa directie_ro@bonairegov.com (general).
Kuantu tempu e ta tuma?
Ta dependé di e evaluashon i kantidat di trabou.
Bo no ta di akuerdo ku e desishon?
Bo no ta di akuerdo ku e desishon? E ora ei mayoria biaha bo por reklamá.
Puntra na bali, òf wak den e karta ku e desishon kon bo por reklamá i denter di ki término.
