Bo ke kambia tereno di hür pa èrfpagt?
Den e kaso ei, bo por entregá un petishon na Direktorado di Planifikashon i Desaroyo (R&O).
Kiko e produkto òf servisio aki ta nifiká?
Por aprobá pa kambia un tereno di hür pa èrfpagt (solamente) si tin un bibienda habitá riba e tereno di hür. E hürdó so por entregá un petishon asina. E no por tin niun otro èrfpagt riba su nòmber. E ta dependé tambe di e destinashon.
Ki ora bo por pidi esaki?
Kambio di tereno di hür pa èrfpagt por solamente si tin un bibienda habitá riba e tereno di hür. E hürdó so por hasi petishon pa esaki. E hürdó no por tin otro tereno ku èrfpagt riba su nòmber. E petishon ta dependé tambe di e destinashon di e tereno.
Kon bo por pidi esaki?
Bo por entregá e petishon fásilmente pa medio di e formulario di aplikashon online. Sigui e pasonan indiká den e formulario.
Ku ken bo por tuma kontakto?
Bali di Planifikashon i Desaroyo (R&O).
Bo por manda e-mail tambe na directie_ro@bonairegov.com (general).
Kuantu tempu e ta tuma?
Dependé di evaluashon i di tumamentu di desishon.
Kuantu e ta kosta?
Kambia tereno di hür pa èrfpagt ta kosta $56 (gastu atministrativo).
Bo no ta di akuerdo ku e desishon?
Bo no ta di akuerdo ku un desishon? Mayoria bia bo por presentá un opheshon. Puntra na bali òf den e karta di desishon kon pa presentá un opheshon i den ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
