Bo derecho di èrfpagt a vense? E ora ei bo por apliká pa prolongashon.
Kiko e produkto òf servisio aki ta nifiká?
Bo derecho di èrfpagt ta 60 aña bálido. Si el a vense, bo por apliká pa prolongashon di e mesun èrfpagt.
Bo por wak kuantu tempu e ta bálido den bo akta òf wak esei na kadaster.
Ki ora bo por pidi esaki?
Bo ta entregá un petishon kompleto ku e dokumentonan menshoná.
Kon bo por pidi esaki?
Tuma e siguiente pasonan:
- Skirbi un karta ku petishon pa prolongashon dirigí na Kolegio Ehekutivo di Boneiru.
- Pone aserka, papel di kadaster, kopia di ID, komprobante di pago di $280,-(departamento di Asuntu Sivil), i bo adrès i number di telefòn.
- Entregá e karta i aneksonan na Direktorado di Planifikashon & Desaroyo (R&O).
Ku ken bo por tuma kontakto?
Bali di Direktorado Planifikashon & Desaroyo (R&O). Bo por manda mail tambe pa directie_ro@bonairegov.com (general).
Kuantu tempu e ta tuma?
Ta dependé di evaluashon i tumamentu di desishon.
Kuantu e ta kosta?
Gastu pa apliká pa prolongashon di èrfpagt ta $280,--
Bo ta paga esaki na departamento di Asuntu Sivil.
Bo no ta di akuerdo ku e desishon?
Bo no ta di akuerdo ku e desishon? E ora ei mayoria biaha bo por reklamá.
Puntra na bali, òf wak den e karta ku e desishon kon bo por reklamá i denter di ki término.
