Bo ke parti un tereno di èrfpagt? E ora ei bo ta pidi pèrmit por eskrito na Direktorado di Planifikashon & Desaroyo (R&O).
Kiko e produkto òf servisio aki ta nifiká?
Ta dependé di destinashon di e parsela, si bo tin mag di parti e tereno. Entregá tambe un pintura di e situashon riba kual bo ta indiká na unda bo ke pa parti.
Pa mas informashon wak na www.bonaire-ro.nl.
Ki ora bo por pidi esaki?
Den mayoria kaso ta parti parsela di èrfpagt na dos ora tin dos kas ariba pa yega na parsela di 350m2 pa kada tereno.
Kon bo por pidi esaki?
- Manda un petishon via karta pa Direktorado di Planifikashon & Desaroyo (R&O).
- Pone aserka :
- Kopia di ID di doño;
- Kopia di papel di kadaster, kaminda por wak ku esun ku ta apliká ta doño di e parsela;
- Kopia di pèrmit di konstrukshon;
- Portrèt di e kas;
- Pintura di e situashon, riba esei esun k uta hasi e petishon ta indiká unda e ke pa parti e tereno.
- Entregá bo petishon na bali òf via e-mail directie_ro@bonairegov.com
- Bo ta risibí un reakshon ku e desishon i ku pregunta adishonal.
Ku ken bo por tuma kontakto?
E-mail: directie_ro@bonairegov.com
òf bali Direktorado di Planifikashon & Desaroyo (R&O: Kaya Amsterdam s/n
Kuantu tempu e ta tuma?
Ta dependé di evaluashon i posibel sinkronisashon ku otro partido.
Bo no ta di akuerdo ku e desishon?
Bo no ta di akuerdo ku e desishon? E ora ei mayoria biaha bo por reklamá. Puntra na bali, òf wak den e karta ku e desishon kon bo por reklamá i denter di ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
