Bo ke apliká pa un kavel pa uso komersial?
Den e kaso ei bo mester entregá un petishon na Kolegio Ehekutivo pa medio di Direktorado di Planifikashon i Desaroyo (R&O).
Kiko e produkto òf servisio aki ta nifiká?
Bo ta apliká pa un tereno destiná pa konstruí propiedat komersial.
Ki ora bo por pidi esaki?
- Bo mester ta inskribí na Boneiru.
- Bo mester ta inskribí na Kámara di Komèrsio.
Kon bo por pidi esaki?
Pa entregá un formulario digital pa tereno di èrfpagt ku meta komersial, bo mester di e siguiente dokumentonan:
- Kopia di un prueba di identidat bálido (ID);
- Kopia resien di un resúmen di Kámara di Komersio;
- Deklarashon di lugá kaminda bo ta biba (Departamento di Asuntu Sivil);
- Gastu di leges ku ta $112,- (bo por paga esei ònlain via e formulario digital).
Bo mester yena e formulario akí kompletamente i konforme bèrdat.
Ku ken bo por tuma kontakto?
Bali di Direktorado di Planifikashon i Desaroyo.
Por manda e-mail tambe pa directie_ro@bonairegov.com (general).
Kuantu tempu e ta tuma?
Bo ta subi lista di espera.
E tempu di espera ta dependé di tereno disponibel i kriterio.
Kuantu e ta kosta?
$112,- di gastu (leges) (pa paga na Asuntanan Sivil).
Bo no ta di akuerdo ku e desishon?
Bo no ta di akuerdo ku un desishon? Mayoria bia bo por presentá un opheshon. Puntra na bali òf den e karta di desishon kon pa presentá un opheshon i den ki término.
