Bo ke traspasá bo èrfpagt pa un otro hende? E ora ei bo tin ku entregá un petishon na Direktorado di R&O.
Kiko e produkto òf servisio aki ta nifiká?
Bo por traspasá bo èrfpagt.
Si tin konstrukshon riba e tereno di èrfpagt, por traspasá esaki na otro persona.
Un èrfpagt sin konstrukshon, bo por traspasá solamente na famia di promé grado.
Tur traspaso por sosodé solamente ku un deklarashon por eskrito di Direktorado di R&O.
Ki ora bo por pidi esaki?
Erfpagt sin konstrukshon: traspaso pa otro hende no ta posibel, solamente na un miembro di famia di promé grado.
Un kriterio importante ta ku e miembro di famia akí ta biba na Boneiru i ku e no tin un otro parsela di èrfpagt.
Erfpagt ku konstrukshon: pa e traspaso akí mester di un deklarashon por eskrito di e direktor di Planifikashon & Desaroyo (R&O). Ta duna e deklarashon akí solamente si a kumpli ku e obligashon di konstrukshon segun e pèrmit di konstrukshon.
Kon bo por pidi esaki?
Yena e formulario online.
Ku ken bo por tuma kontakto?
Bali di Direktorado Planifikashon & Desaroyo (R&O). Bo por manda un e-mail tambe pa directie_ro@bonairegov.com (generamente).
Kuantu tempu e ta tuma?
Dependé di evaluashon i si e petishon ta kompleto.
Bo no ta di akuerdo ku e desishon?
Bo no ta di akuerdo ku un desishon?
E ora ei mayoria biaha bo por hasi un opheshon.
Puntra na bali òf wak den e karta di desishon kon ta hasi opheshon i dentro di ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
