Bo ke dividí un parsela na èrfpagt den derechonan di apartamento?
Entregá e ora ei un petishon na Direktorado di R&O.
Kiko e produkto òf servisio aki ta nifiká?
Ki ora bo ta pidi pa divishon di derechonan di apartamentu? Por laga dividí un edifisio ku ta konsistí di vários unidat den unidatnan independiente. Esaki nos ta yama ‘Divishon den derechonan di apartamentu’.
Entregá un pintura di situashon kla. Direktorado R&O ta evaluá aki tambe destinashon i kriterio.
Pa mas informashon, bishitá www.bonaire-ro.nl. Of tuma kontakto ku KCC.
Ki ora bo por pidi esaki?
E divishon mester pas den destinashon di e kavel.
Kon bo por pidi esaki?
- Skirbi un karta di petishon na Direktorado di R&O.
- Inkluí:
- Kopia sédula di doño;
- Kopia di registro di e propiedat na Kadaster, riba kua por mira ku esun ku ta hasi e petishon ta doño di e parsela;
- Kopia di pèrmit di konstrukshon;
- Pintura di situashon, riba kua e persona ku ta hasi petishon ta indiká unda e divishon den derechonan di apartamentu mester tuma lugá.
- Entregá bo petishon na bali òf via mail na directie_ro@bonairegov.com
- Ta informá bo di resultado di e evaluashon.
Ku ken bo por tuma kontakto?
E-mail: directie_ro@bonairegov.com
òf bali Direktorado R&O (Planifikashon & Desaroyo): Kaya Amsterdam s/n
Kuantu tempu e ta tuma?
Dependé di evaluashon i eventual informashon adishonal.
Bo no ta di akuerdo ku e desishon?
Bo no ta di akuerdo ku un desishon?
E ora ei mayoria biaha bo por hasi un opheshon.
Puntra na bali òf wak den e karta di desishon kon ta hasi opheshon i dentro di ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
