Bo a pèrdè bo komprobante di èrfpagt (EB), e ta kibrá òf bieu? E ora ei bo por apliká pa renobashon.
Kiko e produkto òf servisio aki ta nifiká?
EB ta un dekreto ku bo ta haña ora emití un èrfpagt. Ku e desishon akí bo por bai notario pa laga pone e èrfpagt ofisialmente na bo nòmber.
E desishon akí ta tres luna bálido.
Ki ora bo por pidi esaki?
Bo por apliká pa esaki si e dekreto insular (Eilandsbesluit) a vense.
Kon bo por pidi esaki?
Yena e formulario digital.
Ku ken bo por tuma kontakto?
Pa pregunta bo por tuma kontakto ku Sentro di Kontakto ku Kliente (KCC) di EPB:
- Number di telefòn : +599 715 5330
- Djaluna te ku djaweps : 08:00–12:00 or i 14:00–17:00 or
- Djabièrnè: 08:00–12:00 or i 14:00–16:30 or
- E-mail: info@bonairegov.com
- WhatsApp: (+599) 715 5330
- Bo por usa funshon di chat tambe dibonairegov.com
Kuantu tempu e ta tuma?
Ta dependé di kontrol di dato i atministrashon.
Kuantu e ta kosta?
E gastunan pa renobashon di bo dekreto insular ta $280,- na leges. Esaki bo ta paga na Registro Sivil.
Ta posibel tambe pa hasi e pago online riba e siguiente number di kuenta na MCB: 301.00.203. Na momento di pago menshoná bon kla bo nòmber i bo number di èrfpagt komo referensia.
Bo no ta di akuerdo ku e desishon?
Bo no ta di akuerdo ku e desishon? E ora ei mayoria biaha bo por reklamá.
Puntra na bali, òf wak den e karta ku e desishon kon bo por reklamá i denter di ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
