Pèrmit pa organisá aktividatnan (di den sektor di hospitalidat)

Bo ke bende kuminda òf bebida via di un bufèt na Boneiru? Por ehèmpel, durante un evento, fiesta òf aktividat? E ora ei bo tin mester di outorisashon di entidat públiko Boneiru. Esakí yama un pèrmit pa bufèt.

Kiko e produkto òf servisio aki ta nifiká?

Kiko bo mester tene bon kuenta kuné?

E aplikashon mester ta entregá por lo ménos 6 siman promé ku e aktividat.
E tratamentu ta dura algun siman, esaki ta dependé di si bo petishon ta kompletu.

Un pèrmit pa bufèt ta un pèrmit ofisial di EPB.
Ku e pèrmit akí bo por bende kuminda i/òf bebida temporalmente na bishitantenan di un lugá ku no tin pèrmit pa bebida alkohóliko i aktividatnan den sektor di hospitalidat.

E pèrmit akí ta nesesario pa garantisá seguridat, un ambiente limpi i reglanan kla.

Ki ora bo por pidi esaki?

Bo mester:

entregá e petishon na tempu;
entregá tur e dokumentonan obligatorio;
paga e gastunan;
kumpli ku e reglanan di e Ordenansa pa Bebida Alkohóliko i Aktividatnan den Sektor di Hospitalidat.

Si bo ta bende kuminda òf bebida na un lugá ku no tin e pèrmit pa bebida alkohóliko i aktividatnan den sektor di hospitalidat, e pèrmit pa bufèt ta obligatorio.

Kon bo por pidi esaki?

Di e manera akí bo ta pidi un pèrmit pa bufèt:

1. Buska informashon
Bo por haña informashon:

online;
na e Sentro di Kontakto pa Kliente (KCC);
via di un sita (Zalma & Kaina).

2. Buska dokumentonan adishonal
Bo ta entregá e siguiente dokumentonan:

un dokumento di identifikashon bálido (ID, sédula, reibeweis òf pasport);
komprobante di pago di e gastunan pa e pèrmit;
prueba di pago di e depósito di garantia na SELIBON òf un dispensashon di SELIBON;
den kaso di un organisashon òf kompania:
- statutonan i/òf
- ekstrakto di Kámara di Komèrsio i/òf
- pèrmit di establesimentu i/òf
- datonan di e direktiva

3. Paga e gastunan pa e pèrmit
Bo ta paga e gastunan na ofisina di Asuntunan Sivil (Burgerzaken) òf via transferensia bankario.

4. Yena e formulario di aplikashon
Riba e formulario bo ta yena, entre otro:

datonan di e persona ku ta hasi e aplikashon òf e organisashon;
informashon tokante e pèrmit pa bufèt;
informashon tokante e aktividat;
kua produkto bo ke bende, por ehèmpel, kuminda, eiskrim òf bebida alkohóliko (suave).

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

E aplikashon mester ta entregá por lo ménos 6 siman promé ku e aktividat.
E tratamentu ta dura algun siman, esaki ta dependé di si bo petishon ta kompletu.

Kuantu e ta kosta?

E pèrmit pa bufèt ta kosta $16,75.

Bo no ta di akuerdo ku e desishon?

Bo no ta di akuerdo ku e desishon di EPB? E ora ei bo por apelá e desishon.
Den e desishon ta indiká kon i den kuantu tempu bo por hasi esaki.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.