Konseho Insular

E Konseho Insular ta e órgano di gobernashon di mas haltu na Boneiru. E Konseho Insular ta indiká Kiko tin ku sosode na Boneiru i ta vigilá e trabou di Kolegio Ehekutivo. E 9 miembronan di Konseho Insular ta keda eligí dor di suidadanonan di Boneiru.

Tareanan di Konseho Insular

E tareanan di Kolegio Insular ta konsistí den tres parti:

  1. forma represtashon di pueblo,
  2. stipulá e kuadronan,
  3. kontrolá Kolegio Ehekutivo.

 

Miembronan di Konseho Insular

Aktualmente a nombra e siguiente miembronan di Konseho Insular:

  • Señor D.M.D. Crestian
  • Señora R.M. Hellburg-Makaai
  • Señora S.B. Chirino-Felida
  • Señor B.R. Dirksz
  • Señor R. Groenman
  • Señor C.D. Vrolijk
  • Señor H.J.P.J.T. Wout
  • Señora D.E. Coffie

Tareanan di Konseho Insular

Por repartí e tareanan di Konseho Insular den tres parti:

1. Forma representashon di pueblo;
2. Fiha kuadro di maneho;
3. Kontrolá Kolegio Ehekutivo.

Kon mi ta bira miembro di Konseho Insular?

Tur hende por bira miembro di Konseho Insular. I bo no tin mester di stòp bo trabou òf estudio, pasobra no ta trata di un funshon fultaim. Pues aki kuater aña bo tambe por yuda disidí tokante Boneiru komo miembro di Konseho Insular. E manera mas usual pa bira miembro di Konseho Insular ta pa medio di mèldu bo mes serka un agrupashon polítiko na Boneiru.

Eksigensianan formal

Pa keda elegí komo miembro di Konseho Insular bo tin ku kumpli ku algun kondishon. Bo mester tin 18 aña òf mas i nan no mester a ekskluí bo di derecho di voto. Si bo ke keda instalá komo miembro di Konseho Insular, bo mester ta biba na Boneiru. Na Boneiru ta posibel ku hendenan ku un otro nashonalidat ku no ta esun hulandes tambe por bai forma parti di Konseho Insular. Habitantenan ku un nashonalidat ku no ta hulandes mester a biba por lo ménos 5 aña konsekutivo na Boneiru. Pa motibu ku tin funshonnan ku no ta kompatibel ku ehersementu di miembresia di Konseho Insular, miembronan di Konseho Insular ta obligá pa hasi públiko kua ta e otro funshonnan ku nan ta ehersé. Por ehèmpel Kolegio Ehekutivo no por a nombra bo komo empleado públiko.