Kombatimentu di desaster

Entidat Públiko Boneiru tin un tim di kombatimentu di kalamidat ku ta kombatí e konsekuensianan di un krísis òf kalamidat. E tim ta kordiná ku diferente instansia i servisio kiko tin ku pasa ora ku tin peliger durante òf despues di un kalamidat.

Entidat Públiko Boneiru ta prepará shèlter pa hende ku no ta seif den nan propio kas. Banda di esei Entidat Públiko Boneiru ta sòru pa komunidat boneriano haña tur informashon nesesario. Den kaso di un orkan, tormenta tropikal òf kalamidat Entidat Públiko Boneiru ta bati alarma serka e poblashon tokante seriedat di esaki.

E struktura prinsipal di e tim di kombatimentu di desaster ta konsistí di siguiente partinan

1. Komando Sitio di insidente (CoPI)
2. Konsulta di kordinashon di kordinadónan di gruponan di ESF
3. Tim di Maneho Insular (EBT)

Komando Sitio di insidente (CoPI)

Un CoPI ta enkargá ku guia operashonal na sitio di e insidente. Nan ta sinkronisá ku otro partidonan enbolbí i nan ta duna konseho na e Tim di Maneho Insular.

E CoPI ta konsití di:

1. Lider di CoPI
2. Ofisial di Servisio di Kuerpo di Bombero (kolumna kòrá)
3. Ofisial di Servisio Médiko (kolumna blanku)
4. Ofisial di Servisio di Polis i/òf Koninklijke Marechaussee (kolumna blou)
5. Ofisial di Servisio di Kuido di Poblashon (kolumna oraño)
6. Konsehero di komunikashon CoPI
7. Mènedjer di informashon
8. Notulista

Konsulta di kordinashon di kordinadónan di gruponan

ESF ta para pa Emergency support Functions i nan ta formá for di diferente organisashon ku ta traha huntu pa mitigá e konsekuensianan di un krísis òf kalamidat. E konsulta di kordinashon ta duna guia na e diferente gruponan di ESF.

Por distinguí e ESF-nan komo lo siguiente:

ESF 1: Awa i Energia
ESF 2: Telecommunikashon
ESF 3: Trabou Públiko i Transporte
ESF 4: Siguridat, reskate i supstansia peligroso (kolumna kòrá)
ESF 5: Òrden públiko (kolumna blou)
ESF 6: Ayudo médiko i kuido di salú (kolumna blanku)
ESF 7: Evakuashon i akohida ESF 8: Informashon públiko
ESF 9: Asuntunan gubernamental i sosten

Segun nesesidat e presidente por amplia e konsulta di kordinadó ku partnernan di krísis interno i/òf eksterno

Tim di maneho insular (EBT)

E Tim di Maneho Insular ta duna sosten na gezaghèber pa loka ta trata ehekushon di e mando supremo ku gezaghèber tin den kaso di un kalamidat. E miembronan di tim ta aktua komo konsehero di gezaghèber. E Tim di Maneho Insular ta enfoká riba aspektonan gubernamental. E aspektonan operashonal ta keda pa CoPI i e gruponan di ESF.

E tim di maneho insular ta konsistí di:

1. Gezaghèber, presidente di e Tim di Maneho Insular
2. Presidente tékniko (opshonal)
3. Konsehero gubernamental
4. Konsehero stratégiko Kuerpo di Bombero (kolumna kòrá)
5. Konsehero stratégiko Kuido di Salú (kolumna oraño)
6. Konsehero stratégiko Médiko (kolumna blanku)
7. Konsehero stratégiko Polis i/òf Koninklijke Marechaussee (kolumna blou)
8. Konsehero stratégiko Komunikashon
9. Kordinadó di informashon
10. Notulista

Segun nesesidat gezaghèber por amplia e Tim di Maneho Insular ku partnernan di krísis interno òf eksterno.