Pa organisá un evento na Boneiru, tantu riba lugánan públiko komo privá, manera un festival, marshe òf fiesta públiko, bo tin mester di un pèrmit di evento. E pèrmit akí, konosí tambe komo APK (Ordenansa General di Polis), ta rekerí pa tur sorto di evento, di enkuentronan chikitu te festivalnan grandi, kaminda públiko ta bin pa presensiá.
Kiko e produkto òf servisio aki ta nifiká?
E formulario ku tur dokumento korespondiente mester ta entregá seis siman promé ku inisio di e aktividat (den kaso di petishon pa artista estranhero, 8 siman).
Si bo ta deseá di organisá un evento, bo mester entregá un formulario di APK- òf bufèt, kompletamente yená, seis (6) siman di antemano.
Pa evento ku artista estranhero òf evento grandi, manera karnaval, esaki mester sosodé ocho (8) siman di antemano.
Bo por kambia e fecha dos (2) bia, basta bo notifiká esaki tres (3) siman promé ku e fecha nobo.
Dokumentonan rekerí:
- Kopia di un dokumento di identidat bálido
- Komprobante di pago di leges i/òf derechonan di prekario
- Komprobante di pago di un depósito na SELIBON òf un deklarashon ku un depósito no ta nesesario
- Pèrmit pa uzo di fasilidatnan di INDEBON
Ki ora bo por pidi esaki?
Pa pidi un pèrmit di APK bo mester kumpli ku e siguiente kondishonnan:
- Entrega na tempu: Mester entregá e formulario di APK seis (6) siman promé ku evento. Pa eventonan ku artistanan estranhero òf eventonan grandi, manera karnaval, esaki ta ocho (8) siman.
- Petishon totalmente kompletá: E formulario mester ta kompletamente yená i kompañá di tur dokumento rekerí, inkluyendo un dokumento di identidat bálido, komprobante di pago di leges i/òf derechonan di prekario, i un komprobante di depósito.
- Pèrmit pa fasilidatnan: Si ta aplikabel, bo mester tin pèrmit pa hasi uzo di fasilidat- òf lugánan spesífiko.
- Meta di e aktividat: E aktividat mester ta dirigí riba metanan sosial, kultural òf edukativo, òf organisá pa un entidat ku ta registrá na Kámara di Komersio i apoderá pa organisá eventonan públiko.
Kon bo por pidi esaki?
Esakinan ta e pasonan pa pidi un pèrmit di APK:
- Yena formulario: Yena e formulario digital di APK kompletamente.
Mester entregá esaki seis (6) siman promé ku e fechá planiá di e evento.
Pa evento ku artista estranhero òf evento grandi, manera karnaval, mester hasi esaki ocho (8) siman adelantá. - Upload dokumentonan rekerí: Kolektá tur dokumento rekerí, inkluyendo un kopia di un dokumento di identidat bálido, komprobante di pago di leges i/òf derechonan di prekario, i si ta nesesario un depósito di SELIBON òf un deklarashon di SELIBON ku no mester paga depósito.
- Pèrmit pai fasilidatnan: Pèrkurá pa un deklarashon di pèrmit pa uzo di fasilidatnan manehá pa INDEBON, si ta aplikabel.
- Entrega di e formulario:Primi riba e kònòpi “Manda”.pa entregá e formulario elektróniko i tur dokumento.
- Eventonan standart: seis siman promé ku e evento
- Eventonan ku artistanan estranhero òf eventonan lokal grandi: ocho siman di antemano.
- Partisipá kambionan: Bo por kambia fecha di e evento te ku dos (2) bia, basta partisipá esaki tres (3) siman promé ku e fecha nobo, na sekshon di Asuntunan Hurídiko i General.
- Investigashon di antesedente: Warda miéntras Kuerpo Polisial Hulanda Karibense (KPCN) ta hasiendo un investigashon di antesedente di e petishonario(nan). Ta manda e konseho al respekto denter di kuater (4) siman pa sekshon di Asuntunan Hurídiko i General (JAZ).
- Warda riba aprobashon: Lo evaluá e petishon i si a aprob’é, bo ta risibí e pèrmit.
Pèrkurá pa siguí tur e pasonan na tempu, pa garantisá ku bo petishon ta kana sin problema.
Kuantu tempu e ta tuma?
E término di tratamentu di un pèrmit di APK ta generalmente kuater (4) siman.
Durante e periodo akí, Kuerpo Polisial Hulanda Karibense ta hasi un investigashon di antesedente di e petishonario(nan) di e pèrmit.
Despues ta manda e konseho di polis pa sekshon di Asuntunan Hurídiko i General, ku ta evaluá e petishon.
Kuantu e ta kosta?
E gastunan pa un pèrmit di APK por varia, loke ta dependé di tipo i grandura di e evento i eksigensianan spesífiko ku gobièrnu lokal ta stipulá. E gastunan generalmente ta enserá leges pa prosesá e petishon i por kontené gastunan adishonal pa depósito òf uzo di sierto fasilidatnan. Pa e gastunan eksakto ta rekomendá pa tuma kontakto direktamente ku sekshon di Asuntunan Hurídiko i General konserní di entidat públiko Boneiru.
Bo no ta di akuerdo ku e desishon?
Si bo kier hasi opheshon kontra un desishon tokante un pèrmit di APK, bo mester hasi esaki denter di seis (6) siman, despues di publikashon di e desishon. Bo ta entregá e opheshon akí serka kolegio ehekutivo di entidat públiko Boneiru. Si a rechasá bo opheshon, bo por entregá apelashon na Korte di Promé Instansia di Boneiru, Sint Eustatius i Saba.
Ki lei i regla ta konta aki?
Formularionan
Bo por pidi esaki online?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
