Produkto i Servisio
Gobièrnu i Organisashon
Aktualidat

Pèrmit di bibida i hóreka

Bo ke habri un café,bar, restorant òf otro negoshi den sektor di hospitalidat na Boneiru?
E ora ei bo tin mester di un pèrmit pa bebida alkohóliko i hospitalidat di entidat públiko Boneiru (EPB).

Kiko e produkto òf servisio aki ta nifiká?

Kiko bo mester tene bon kuenta kuné?

Bo por apliká pa e pèrmit akí solamente despues ku bo a optené un pèrmit di establesimentu.
Bo deklarashon di Bon Kondukta no por ta mas ku 3 luna bieu.

Un pèrmit pa bebida alkohóliko i hospitalidat ta un pèrmit ofisial di EPB. Ku e pèrmit akí bo por bende kuminda i bebida na klientenan.  

E pèrmit akí ta nesesario pa diferente tipo di negoshi, manera:

  • café òf bar
  • restorant òf snèkbar
  • hotèl òf penshun
  • lugá di bende eiskrim  
  • tienda ku ta bende bebida pa bai kuné  

Tin biaha e permití akí ta inkluí tambe un outorisashon pa, por ehèmpel, músika òf fiesta.

Ki ora bo por pidi esaki?

Bo mester:

  • tin un pèrmit di establesimentu  
  • ta inskribí na Kámara di Komèrsio
  • tin un deklarashon di Bon Kondukta ku ta bálido
  • tin un dokumento di identifikashon ku ta bálido
  • kumpli ku e reglanan pa seguridat i higiena 

Si bo no ta kumpli ku un di e kondishonnan akí, bo no ta haña e pèrmit. 

Kon bo por pidi esaki?

Kon pa apliká pa e pèrmit: 

  1. Promé, bo ta apliká pa un pèrmit di establesimentu.
  2. Seguidamente, bo ta yena e formulario di petishon pa bebida alkohóliko i hospitalidat.
  3. Bo ta entregá tur e dokumentonan rekerí.
  4. Bo ta paga e gastunan. 

Despues EPB ta pidi konseho serka:

  • polis
  • brantwer
  • e Departamento di Supervishon i Kuido 

Nan ta kontrolá, entre otro, seguridat i higiena. 

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com 

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

E tratamentu di bo aplikashon ta dura algun siman.
Esaki ta dependé si bo petishon ta kompletu. 

Bo no ta di akuerdo ku e desishon?

Bo no ta di akuerdo ku e desishon?
E ora ei bo por apelá e desishon.
E karta di EPB ta indiká kon i den kuantu tempu bo por hasi esaki.

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat