Habri un restorant

Bo ke habri un restorant na Boneiru? E ora ei lo bo tin ku tene kuenta ku diferente regla i pèrmit. E Entidat Públiko Boneiru ta yuda bo ku e proseso pa kuminsá bo negoshi.

Kiko e produkto òf servisio aki ta nifiká?

Kiko bo mester tene bon kuenta kuné?

Bo por habri un restorant na momentu ku bo tin tur e pèrmitnan nesesario.
Sòru pa bo deklarashon tokante kondukta (VOG) no ta mas bieu ku 3 luna na momento ku bo ta hasi e petishon.

Un restorant ta un negoshi kaminda bo ta bende kuminda i bebida pa konsumí einan mes.

Ta prepará e kuminda den un kushina ku ta den e edifisio mes.

Pa habri un restorant bo tin mester di un òf mas pèrmit.

E pèrmitnan mas importante ta:

un pèrmit di establesimentu;
un pèrmit pa bebida alkohóliko i hospitalidat.
Ku e pèrmitnan akí bo por habri i operá bo restorant.

Ki ora bo por pidi esaki?

Bo mester kumpli ku e siguiente kondishonnan:

bo ta inskribí na Kámara di Komèrsio;
bo tin un deklarashon di Bon Kondukta (VOG) bálido;
bo lugá ta sigur i limpi;
bo ta kumpli ku e reglanan di higiena i seguridat;
bo ta usa e edifisio solamente pa e propósito pa kua e pèrmit a keda otorgá.

Kon bo por pidi esaki?

Di e manera akí bo por habri un restorant na Boneiru:

Bo ta inskribí bo negoshi na Kámara di Komèrsio.
Bo ta pidi un pèrmit di establesimentu.
Despues di aprobashon, bo ta pidi un pèrmit pa bebida alkohóliko i hospitalidat.
Bo petishon lo keda evaluá pa:
- polis;
- departamento di bombero;
- Direktorado di Supervishon i Mantenshon di Lei (T&H).
Si e evaluashon ta positivo, lo bo risibí e pèrmit.

Solamente despues di a kumpli ku tur esakinan bo por habri bo restorant.

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

E tratamentu di un pèrmit di establesimentu ta tuma un máksimo di 8 siman.
Despues di esaki bo por pidi e pèrmit pa bebida alkohóliko i hospitalidat.

Kuantu e ta kosta?

E gastunan pa habri un restorant ta dependé di e pèrmit ku bo ta pidi.

Bo no ta di akuerdo ku e desishon?

Bo no ta di akuerdo ku e desishon?
E ora ei bo por entregá un opheshon kontra di esaki. Den e karta ku e desishon ta indiká kon i den kuantu tempu bo por hasi esaki.
Despues di a entrega un opheshon, si ta nesesario, bo por apelá e desishon.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.

Nan ta registrá i prosesá bo datonan di forma seif, konfidenshal i kouteloso.

Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.

No ta warda bo datonan mas largu di loke ta nesesario pa e petishon òf loke bo a mèldu.

Otro organisashon ta haña bo datonan solamente si esei mester segun lei.

Bo por puntra pa kua fin ta usa bo datonan i kiko ta hasi ku nan.