Habri un snèk

Bo kier habri un snèk òf snackbar na Boneiru? E ora ei bo tin ku tene kuenta ku regla i pèrmit.
Entidat públiko Boneiru ta yuda bo pa kuminsá ku bo negoshi.

Kiko e produkto òf servisio aki ta nifiká?

Kiko bo mester tene bon kuenta kuné?

Bo por habri un snèk numa ora bo tin tur pèrmit.
Pèrkurá pa bo Deklarashon Tokante Kondukta (VOG) no ta mas bieu ku 3 luna na momentu di hasi petishon.

Un snèk ta un negoshi unda bo ta bende kuminda i bibida simpel pa konsumo na e sitio mes.

Ta trata di benta por detal di:

Bibida ku tiki òf sin alkohòl
Eiskrim òf produktonan similar
Kuminda simpel ku ta prepará lihé

Ta prepará e kuminda na un manera simpel, hopi bia den un kushina òf espasio di preparashon chikitu.
Pa habri un snèk bo tin mester di un òf mas pèrmit.

Esnan mas importante ta:

Un pèrmit di establesimentu
Un pèrmit di bibida i horeka

Ku e pèrmitnan akí bo por kuminsá i operá bo snèk.

Ki ora bo por pidi esaki?

Bo mester kumpli ku e kondishonnan akí:

Bo ta inskribí na Kámara di Komersio
Bo tin un VOG bálido
Bo lugá ta sigur i limpi
Bo ta tene bo mes na e reglanan di higiena i siguridat
Bo ta usa e edifisio solamente pa meta di e pèrmit

Kon bo por pidi esaki?

Di e forma akí bo ta habri un snèk na Boneiru:

Bo inskribí bo negoshi na Kámara di Komersio
Bo ta pidi un pèrmit di establesimentu
Despues ku aprobá esaki, bo ta pidi un pèrmit pa bibida i horeka
Bo petishon ta ser evaluá pa:
- Polis
- Brantwer
- Supervishon i Mantenshon
Den kaso di un evaluashon positivo, bo ta risibí e pèrmit

Despues numa bo por habri bo snèk.

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

Tratamentu di un pèrmit di establesimentu ta dura máksimo 8 siman.
Despues bo por pidi un pèrmit di bibida i horeka.

Kuantu e ta kosta?

E gastunan pa habri un snèk ta dependé di kua pèrmit bo ta pidi.

Bo no ta di akuerdo ku e desishon?

Bo no ta akuerdo ku e desishon?
E ora ei bo por hasi opheshon. Den e desishon tin pará kon i den ki lapso di tempu por hasi esaki.
Despues di opheshon, si esei ta nesesario, bo por apelá.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.