Habri hotèl

Bo ke kuminsá un hotèl na Boneiru?
Un hotèl ta un lugá kaminda bo ta ofresé kamber i kuminda na huéspet. E huéspet ta paga pa su estadia. Bo por bende e huéspet kos di bebe, eiskrim, òf kuminda tambe.

Kiko e produkto òf servisio aki ta nifiká?

Bo por habri un hotèl solamente si bo tin tur pèrmit nesesario.
Sòru pa bo tin un pèrmit di establesimentu (vestigingsvergunning) promé ku bo kuminsá.
Bo por tin mester di otro pèrmit tambe, manera:

pèrmit di medio ambiente (milieuvergunning)
pèrmit pa bibida i horeca (vergunning voor drank en horeca)
Pèrmit pa restorant (restaurantvergunning)

Ki ora bo por pidi esaki?

Pa habri un hotèl:

bo mester tin un pèrmit di establesimentu
bo mester tin sufisiente konosementu di maneho di hotèl
bo mester tin sufisiente sèn pa por kuminsá e hotèl
bo no mester tin plan ku ta bai kontra di interes general
bo mester ta inskribí na Kámara di Komèrsio

Kon bo por pidi esaki?

Kon pa habri un hotèl:

Apliká pa un pèrmit di establesimentu (vestigingsvergunning) promé.
Chèk kua pèrmit adishonal bo mester, manera pèrmit di bibida òf pèrmit pa restorant.
Apliká pa e pèrmitnan adishonal na Entidat Públiko Boneiru (EPB).
Entregá tur dokumento nesesario.
Paga e gastunan pa e pèrmitnan.

Bo por apliká online pa un pèrmit di establesimentu (vestigingsvergunning).
Den kaso di aplikashon online, e prosesamentu ta mas lihé.

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

Bo por haña un pèrmit di establesimentu (vestigingsvergunning) denter di 6 dia di trabou.
Pèrmit adishonal por tuma mas tempu, dependiendo di e tipo di pèrmit.

Kuantu e ta kosta?

Gastu pa habri un hotèl ta dependé di pa kua pèrmit bo ta apliká.

Bo no ta di akuerdo ku e desishon?

Bo no ta di akuerdo ku un desishon relashoná ku un pèrmit?
Bo por entregá un opheshon na Kolegio Ehekutivo (Bestuurscollege).
E karta di Entidat Públiko Boneiru (OLB) ta indiká kon pa hasi esaki i den ki término.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.