Bo ta deseá di amplia bo propiedat ku tereno pegá ku esaki? E ora ei, bo por hasi bo petishon na Direktorado di R&O.
Kiko e produkto òf servisio aki ta nifiká?
Sinembargo, un ampliashon no por ta mes grandi ku e parsela prinsipal. Loke nos ta duna komo ampliashon, mayoria biaha ta un pidi tereno, ku no por usa pa konstrukshon independiente.
Ki ora bo por pidi esaki?
Direktorado di R&O ta evaluá petishonnan relashoná ku e posishon di tereno. Despues ta takser e pida tereno en kuestion i presentá esaki pa evaluashon na CFT. CFT ta aprobá emishon i ta duna e kliente e tereno pa e montante di e taksashon.
Kon bo por pidi esaki?
Tuma kontakto ku Direktorado di R&O i splika bo situashon (sitio, number di parsela, motibu). Direktorado di R&O ta indiká ki posibilidat tin i ki dokumento tin ku entregá.
Ku ken bo por tuma kontakto?
Pa pregunta bo por tuma kontakto ku Sentro di Kontakto ku Kliente (KCC) di EPB:
- Number di telefòn:+599 715 5330
- Djaluna te ku djaweps: 08:00–12:00 or i 14:00–17:00 or
- Djabièrnè: 08:00–12:00 or i 14:00–16:30 or
- E-mail: info@bonairegov.com
- WhatsApp: (+599) 715 5330
- Bo por usa funshon di chat tambe di bonairegov.com
Kuantu tempu e ta tuma?
Dependé di evaluashon i maneho.
Bo no ta di akuerdo ku e desishon?
Bo no ta di akuerdo ku un desishon? E ora ei mayoria biaha bo por hasi un opheshon. Puntra na bali òf wak den e karta di desishon kon bo ta hasi opheshon i dentro di ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
