Büró Reibeweis
Pa pasamentu di èksamen teorétiko i práktiko pa reibeweisnan ta tuma lugar na e departamento Büró Reibeweis (Bureau Rijbewijzen). Pagonan di e pakete di èksamen i pèrmitnan pa kore (leges) ta tuma lugá na Registro Sivil. E departamento Büró Reibeweis tambe ta enkargá ku otro tareanan administrativo manera verifikashon di reibeweis, kòntròl di reibeweis i mas.
E meta prinsipal di e departamento “Bureau Rijbewijzen” ta pa èksaminá si un persona ta tantu fisikamente I mentalmente apto pa por manehá un vehíkulo di motor riba kareteranan públiko.
Eksamen teóriko
Atmishon na èksamen teóriko:
- For di 18 aña pa kategoria A/B/BE
- For di 21 aña pa kategoria C/D/CE/DE
Pa por tuma parti na e eksamen teóriko mester hasi lo sigiuente:
- Na “Burgerzaken” ta paga pa e pakete di eksamen pa e kategoria ku bo ta deseá ($ 50,28)
- Na bali di “Bureau Rijbewijzen” bo ta inskirbí pa e èksamen teóriko. Pa esaki bo mester di un Sèdula bálido.
*E èksamen teóriko ta bálido pa 1 aña. Ku esaki bo por pasa diferente èksamen práktiko i amplia bo reibeweis ku mas kategoria.
Eksamen práktíko
Pa por tuma parti na e èksamen práktiko bo mester a slag prome pa e èksamen teóriko.
Pa esaki bo mester di lo sigiuente:
- Inskribí na bali di “Bureau Rijbewijzen” ku un sèdula bálido.
- Un deklarashon di dòkter no mas bieu ku 2 luna.
Ta dispone di un vehíkulo ku ta kumpli ku e eksigensianan manera abou menshoná:
- Brake, clutch i spil èkstra den vehíkulonan ku transmishon manual;
- Brake i spil èkstra den vehíkulonan ku transmishon outomatiko.
E èksigensianan ariba menshoná ta pa e èksaminator por intervení si ta nesesario durante e èksamen pa garantisá seguridat den tráfiko.
Pa mas informashon tuma kontakto ku un rij-school of burö reibeweis.
Despues ku bo slag pa e èksamen práktiko por traha un sita na “Burgerzaken” pa laga traha e reibeweis
Eksamen teóriko adishonal
Na momentu ku bo a slag pa e èksamen teóriko pa motorsaikel i outo, i bo ta deseá na hasi uso di e balides di esaki pa pasa `eksamen práktiko pa kategoria nan grandi manera e.o. C,D,E, CE òf DE, bo mester pasa un prueba komplementario /adishonal konsistiendo di 10 pregunta general ku un resultado positivo promé ku bo por tuma parti na e èksamen práktiko.
