Pèrmit pa trein kore Motosaikel

Ora ku bo a pasa bo èksamen di teoria pa kategoria A ku éksito, bo por pidi un pèrmit pa trein kore motosaikel. Di e manera ei durante maksimalmente 3 luna legalmente bo por trein kore motosaikel riba kamindanan públiko.

Pa esaki bo tin ku:

• Paga retribushon (leges) $ 8,38 (na Ofisina di Registro Sivil);
• Bai ku bo prueba di identidat;
• Hasi petishon pa e pèrmit na Ofisina di Reibeweis;
• Bai ku 2 pasfoto.

Èksamen di práktika

E èksamen di práktika pa kore motosaikel ta konsistí di partisipá na tráfiko i ehekutá sierto prestashonnan / maniobranan.