Pèrmit pa kore bromfits

For di 16 aña bo tin mag di pidi un pèrmit pa kore bròmfits, skuter òf snòrfits.

Pa esaki bo tin ku:

  •  Paga retribushon (leges) $8,38 (na Ofisina di Registro Sivil);
  • Inskribí pa èksamen di teoria (na Ofisina di Reibeweis).

Èksamen di práktika

Si bo pasa e èksamen di teoria ku éksito, bo mag hasi e prueba di kore ku un vehíkulo. Si e resultado ta positivo, mas pronto posibel bo ta haña bo pèrmit pa kore bròmfits.

18 aña bai ariba

Personanan di 18 aña bai ariba ku ya kaba ta den poseshon di un reibeweis bálido, no tin mester di un pèrmit pa por kore bròmfits, skuter òf snòrfits.