Karchi di reibeweis
Un reibeweis ta un prueba di outorisashon pa manehá vehíkulo di motor i vehíkulo motorisá ku velosidat limitá. Tur hende ku ta biba na Boneiru i ku ke subi kaminda ku un vehíkulo di motor (outo di famia, outo di trabou, bùs, motosaikel òf bròmfits), mester ta den poseshon di un reibeweis bálido.
Un reibeweis ta bálido pa sinku (5) aña i despues di esei mester remplas’é pa un nobo. Un reibeweis ku no ta bálido mas por kondusí na problema ku bo kompania di seguro i polis. Tambe ora no por lesa mas kiko tin riba e reibeweis, renobashon ta nesesario. Na momentu di hasi petishon pa un reibeweis bo tin ku bini ku un deklarashon di salú (no mas bieu ku 2 luna). Bo por pidi esaki serka bo dòkter di kas.
Kiko mester trese
Bai e sita ku lo siguiente:
Si ta bo promé reibeweis:
- Bo prueba di identidat bálido (sédula);
- Bo deklarashon di salú (no mas bieu ku 2 luna).
Si ta pa prolongashon:
- bo reibeweis aktual
- bo deklarashon di salú (no mas bieu ku 2 luna).
Si bo a pèrdè bo reibeweis:
- bo sédula
- bo deklarashon di salú (no mas bieu ku 2 luna);
Gastu
Na aña 2021 e gastunan pa hasi petishon pa un reibeweis ta:
| Karchi di reibeweis;$16,76 |
| Pakete di eksámen;$50,28 |
Buska bo reibeweis
Personalmente bo ta hasi petishon pa un reibeweis na Registro Sivil. Traha un sita pa hasi esei.
