Reibeweis ekstranhero
Bo tin un reibeweis risibí den Reino Hulandes i bo kier kore un vehíkulo di motor na Boneiru
Ku un reibeweis risibí den Reino Hulandes manera di Hulanda, Aruba, Kòrsòw, Sint Maarten, e dos islanan BES, Sint Eustatius i Saba, bo mag kore kune basta e ta bálido. No ta obligatorio pa kambi’é pasobra reibeweisnan den Reino Hulandes ta wòrdu konsiderá igual ku e reibeweis di Boneiru.
Bo tin un reibeweis risibí pafó di reino Hulandes i bo kier kore un vehíkulo di motor na Boneiru
Ku un reibeweis risibí pafó di Reino Hulandes ku ta riba e lista di tratado di ‘Geneve’ por kore te ku seis luna despues ku a inskribí komo suidadano di Boneiru. Despues mester kambia e reibeweis enkuestion pa esun di Boneiru.
Kambiamento di reibeweis ekstranhero pa esun di Boneiru
Prosedura pa kambia reibeweisnan risibí den Reino Hulandes pa esun di Boneiru:
- Paga leges na rigistro sivil;
- Entregá un “Echtheidsverklaring” di e reibeweis ;
- Entregá formulario médiko yená i firmá dor di e médiko;
- Entregá e reibeweis di den Reino Hulandes pa e wòrdu mandá pais ku a ortog’é;
- Despues di kumpli ku tur e èksigensianan ariba menshoná lo risibí un reibeweis di Boneiru.
*Solamente kategorianan den e reibeweis èkstranhero ku ta korespondé ku nos ordenansa di tráfiko, lo wòrdu tuma over den e reibeweis di Boneiru.
Prosedura pa kambia reibeweisnan risibí pafó di Reino Hulandes pa esun di Boneiru:
- Paga leges na registro sivil;
- Entrega un “Echtheidsverklaring” di e reibeweis ;
- Entregá formulario médiko yená i firmá dor di e médiko;
- Traha un sita pa “Rijproef” na bureau rijbewijzen;
- Despues di kumpli ku tur e èksigensianan ariba menshoná i lo risibí un reibeweis di Boneiru.
*Solamente reibeweisnan ku ta aparesé riba e lista di e tratado di “Geneve” lo wòrdu kambiá pa un reibeweis di Boneiru kategoria ‘B’. Pa haña mas kategoria mester pasa èksamen teoría i práktiko pa kada kategoria èkstra.
