Dispensashon pa estadia rekreativo den un área residensial

Den áreanan residensial kaminda normalmente no ta permití hürmentu pa término kòrtiku por hasi un petishon, den kasonan eksepshonal, pa dispensashon pa estadia rekreativo. Esaki ta un areglo di eksepshon i ta evalu’é masha estriktamente.

E úniko motibu bálido pa haña dispensashon ta:

Bo por demostrá ku promé ku 10 di òktober 2010 tabatin hürmentu turístiko struktural i kontinuo (estadia rekreativo) na e adrès ei kaba.

Tur kas konstruí despues di 10 di òktober 2010, naturalmente NO ta bin na remarke.

Rekisito

Mester tabata hür e kas pa uso rekreativo kaba promé ku 10 di òktober 2010 i for di e momento ei mester a keda hür e pa uso rekreativo sin interupshon.

Si bo no por proba e kontinuidat, no ta otorgá dispensashon.

Por ehèmpel: ta hür un kas di 2009 te ku 2015. Di 2015 te ku 2022 nò. Na 2022 ta bende e kas. E doño nobo ke kuminsá hür e kas atrobe pa uso rekreativo. No ta konsiderá esaki komo hürmentu sin interupshon. No ta otorgádispensashon.

Prueba

Pa demostrá ku hürmentu di e kas tabata sin interupshon, mester entregá prueba di KADA aña, kuminsando for di e uso promé ku 10 di òktober 2010.

Prueba ta konsistí di:

• pago anual di impuesto turístiko;
• reservashonnan bieu;
• kontratonan di hür ku turista;
• komprobantenan di pago.

PAGA TINU: solamente un karta di e habitante anterior NO ta sufisiente.