Hür un kas pa tempu largu

Bo ke hür un kamber, apartamento òf kas pa un periodo mas largu? Esaki ta posibel na Boneiru, pero solamente si bo ta kumpli ku e reglanan vigente. Riba e página akí bo ta lesa ki ora ta permití hürmentu pa tempu largu.

Kiko e produkto òf servisio aki ta nifiká?

Kiko bo mester tene bon kuenta kuné?

Den e Plan di Desaroyo Teritorial Boneiru bo por kontrolá si ta permití hürmentu pa tempu largu riba bo parsela.

Hür un kas pa tempu largu ta nifiká ku bo ta hür un kamber, apartamento òf kas na e mes persona òf e mes kas di famia pa mas ku 90 dia sin interumpí. Esaki yama hürmentu pa tempu largu.

Hürmentu pa tempu largu ta destiná pa biba permanentemente òf semi-permanentemente.

E forma di hürmentu akí no ta destiná pa estadia turístiko.

No ta tur kaminda na Boneiru bo por hür un kas pa tempu largu. Hürmentu pa tempu largu ta permití solamente den áreanan ku tin komo destinashon:

Biba

Den áreanan ku tin komo destinashon rekreashon, no ta permití hürmentu pa tempu largu.

Ki ora bo por pidi esaki?

Mester hür bo kamber, kas òf apartamento pa mínimo 90 dia sin interumpí.

Mester trata di un periodo sin interupshon na e mes persona òf e mes kas di famia.

Molèster
Bo tambe ta responsabel pa komportashon di bo hürdónan.
Bo mester evitá ku bo hürdónan ta kousa molèster pa bisiñanan.
Ora tin keho òf señal di molèster, Direktorado di Supervishon i Mantenshon di leipor kuminsá un investigashon.

Seguridat kontra kandela
E kas mester kumpli ku e reglanan di BES Regulashon di Konstrukshon.
Esaki ta nifiká, entre otro, ku e kas mester ta sigur kontra kandela.

Kon bo por pidi esaki?

Asina bo ta hür bo kas pa tempu largu:

Kontrolá den e Plan di Desaroyo Teritorial Boneiru si ta permití hürmentu den bo bario i na bo lokalidat.
Determiná si bo ke hür un kamber, apartamento òf henter e kas.
Kontrolá si bo ta kumpli ku e kondishonnan pa hürmentu pa tempu largu.
Sòru pa bo kas ta kumpli ku e reglanan di seguridat i pa prevení molèster.

Notifikashon di molèster òf hürmentu ilegal

Bo ta eksperensiá molèster di personanan ku ta hür un kas den bo bisindario? E ora ei bo por tuma kontakto ku Kuerpo Polisial Hulanda Karibense

Bo ta pensa ku ta hür un kas ilegalmente?
E ora ei bo por hasi un notifikashon na Direktorado di Supervishon i Mantenshon di lei.

Ku ken bo por tuma kontakto?

Direktorado di Supervishon i Mantenshon di Lei (T&H)
Adrès: Kaya Grandi 56-58
Telefòn: (+599) 790 0707
E-mail: bisami_th@bonairegov.com

Orario di servisio
Djaluna te ku djabièrnè: 8:00 - 16:00 or

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.