Hür un kas pa tempu kòrtiku

Bo ke hür un kamber, apartamento òf kas pa un tempu kòrtiku? Na Boneiru esaki ta posibel, pero solamente bou di sierto kondishonnan. Riba e página akí bo ta lesa ki ora esaki ta permití i ku kiko bo mester tene kuenta.

Kiko e produkto òf servisio aki ta nifiká?

Kiko bo mester tene bon kuenta kuné?

Den e Plan di Desaroyo Teritorial Boneiru bo por kontrolá si hürmentu turístiko ta permití riba bo parsela.

Hür un kas pa tempu kòrtiku ta nifiká ku ta hür un kamber, apartamento òf kas temporalmente na turista òf otro huéspet temporal. Ta yama esaki estadia rekreativo òf hürmentu turístiko tambe.

No ta permití pa hür un kas pa tempu kòrtiku tur kaminda na Boneiru. Hürmentu pa tempu kòrtiku ta permití solamente den área ku e destinashon pa:

Rekreashon
Miksto

En prinsipio no ta permití pa hür un kas pa tempu kòrtiku den área residensial, a ménos ku a otorgá un dispensashon spesífiko.

Eksepshon: estadia pa trabou
Un estadia di ménos ku tres luna den un área residensial ta permití solamente si no ta trata di turismo.

E hürdó mester por demostrá ku e ta traha na Boneiru.
Mester proba esaki, por ehèmpel, ku un kontrato di trabou.

Den e kaso ei ta trata di hospedahe temporal pa motibu di trabou i no di estadia rekreativo.

Ki ora bo por pidi esaki?

Bo por hür un kamber, kas òf apartamento na e mes persona òf pa e mes kas di famia pa máksimo 90 anochi sin interumpí.

Pa aña, bo por hür na 4 persona òf kas di famia diferente, kada biaha pa máksimo 90 anochi.

Molèster
Bo tambe ta responsabel pa komportashon di bo huéspetnan.
Bo mester prevení molèster pa bisiñanan.
Ora tin keho òf señal di molèster, Direktorado di Supervishon i Mantenshon di Lei por kuminsá un investigashon.

Seguridat kontra kandela
E kas mester kumpli ku e reglanan di Regulashon di konstrukshon BES.
Esaki ta nifiká, entre otro, ku e kas mester ta sigur kontra kandela.

Kon bo por pidi esaki?

Asina bo ta hür bo kas pa tempu kòrtiku:

Kontrolá den e Plan di Desaroyo Teritorial si estadia rekreativo ta permití den bo bario i na bo lokalidat.
Determiná si bo ke hür un kamber, apartamento òf e kas kompleto.
Kontrolá si bo ta kumpli ku e kondishonnan pa hürmentu pa tempu kòrtiku.
Sòru pa bo kas ta kumpli ku e reglanan di seguridat i pa prevení molèster.

Notifikashon di molèster òf hürmentu ilegal

Bo ta eksperensiá molèster di personanan ku ta hür un kas den bo bisindario? E ora ei bo por tuma kontakto ku Kuerpo Polisial Hulanda Karibense.

Bo ta pensa ku ta hür un kas ilegalmente?
E ora ei bo por hasi un notifikashon na Direktorado di Supervishon i Mantenshon di lei.

Ku ken bo por tuma kontakto?

Direktorado di Supervishon i Mantenshon di Lei (T&H)
Adrès: Kaya Grandi 56-58
Telefòn: (+599) 790 0707
E-mail: bisami_th@bonairegov.com

Orario di servisio
Djaluna te ku djabièrnè: 8:00 - 16:00 or

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.