Bo ta deseá di hasi uzo temporalmente di tereno públiko na Boneiru? E ora ei bo tin mester di un Permit di Prekario APK. Ku e pèrmit akí bo por pone ophetonan pa un periodo kòrtiku riba tereno públiko.
Kiko e produkto òf servisio aki ta nifiká?
Bo mester pidi entregá e petishon por lo ménos 6 siman promé ku komienso di e aktividat.
E formulario no ta yená kompletamente? E ora ei no ta tuma e petishon den tratamentu.
E pèrmit di Prekario APK ta un pèrmit pa uzo temporal di tereno públiko.
E pèrmit semper tin un fecha kla di komienso i final.
Na final e pèrmit ta kaduká outomátikamente.
Hopi bia ta usa e pèrmit akí pa:
- Aktividat di konstrukshon, manera kònteiner, stèlashi i material di konstrukshon
- evento
- terasa temporal
Pa uzo bo ta paga impuesto di prekario pa dia, pa siman òf pa luna.
Ki ora bo por pidi esaki?
Bo mester kumpli ku e siguiente kondishonnan:
- Bo ta usa tereno públiko temporalmente;
- Bo ta duna un fecha di komienso i final kla;
- Bo ta entregá tur dokumento ku pidi;
- Bo ta tene bo mes na maneho i legislashon ku ta na vigor;
- Bo ta paga e gastunan di leges i e impuesto di prekario.
Kon bo por pidi esaki?
Asin’aki bo ta pidi e pèrmit di Precario APK:
- Bo ta yena e formulario di petishon kompletamente. Riba e formulario tin entre otro pará:
- Datonan di e petishonario
- Lugá i aktividat
- Ponementu di ophetonan
- Midí di e bòrchi di propaganda (paga tinu riba e maneho di propaganda)
- Bo ta entregá tur dokumentu pidí, inkluyendo:
- Un dokumento di identidat bálido
- Komprobante di pago di $20,95
- Un kopia di datonan di e persona hurídiko (si esaki ta aplikabel)
- Un skèts di e situashon òf lugá
- Un ehèmpel di e teksto di propaganda òf pintura (si esaki ta aplikabel)
Bo ta entregá e formulario ku tur dokumento 6 siman promé ku komienso di e aktividat.
Ku ken bo por tuma kontakto?
Pa pregunta bo por tuma kontakto ku Sentro di Kontakto ku Kliente (KCC) di EPB:
- Number di telefòn: +599 715 5330
- Djaluna te ku djaweps: 08:00–12:00 or i 14:00–17:00 or
- Djabièrnè: 08:00–12:00 or i 14:00–16:30 or
- E-mail:info@bonairegov.com
- WhatsApp:(+599) 715 5330
- Bo por usa funshon di chat tambe di bonairegov.com.
Kuantu tempu e ta tuma?
E petishon mester ta entregá 6 siman promé ku komienso di e aktividat.
Tratamentu di e petishon ta dura maksimal 6 siman.
Kuantu e ta kosta?
E pèrmit di Prekario APK kosta $20,95.
Ademas bo ta paga impuesto di prekario pa dia, pa siman òf pa luna.
Bo no ta di akuerdo ku e desishon?
Bo no ta di akuerdo ku e desishon?
E ora ei bo por hasi opheshon. Den e desishon tin pará kon i denter di ki término bo por hasi esaki.
Despues di opheshon, si esei ta nesesario, bo por apelá.
Ki lei i regla ta konta aki?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
