Bo ta deseá di hasi uzo di tereno públiko na Boneiru pa un periodo largu? E ora ei bo tin mester di un pèrmit di prekario. E pèrmit akí ta pa uzo permanente i frekuente.
Kiko e produkto òf servisio aki ta nifiká?
Un pèrmit di prekario bo ta duna bo un propiedat, ni tampoko ningun derecho permanente.
Entidat públiko Boneiru por ahustá òf para e pèrmit.
E pèrmit di prekario ta un pèrmit pa uzo permanente òf struktural di tereno públiko.
E pèrmit ta kontinuo òf duradero i mayoria bia r no tin un fecha final fiho.
Ehèmpelnan di uzo ta:
- Terasanan fiho
- Ophetonan di propaganda
- Instalashonnan fiho
- Kabel- òf pipanan
Ta evaluá e pèrmit anualmente.
Entidat públiko Boneiru por kanselá òf revoká e pèrmit.
Mayoria bia ta imponé e impuesto di prekario anualmente.
Ki ora bo por pidi esaki?
Bo mester kumpli ku e siguiente eksigensianan:
- Bo ta usa tereno públiko pa permanente òf pa tempu mas largu;
- Bo ta tene bo mes na regla i maneho;
- Bo ta aseptá ku por ahustá òf para e pèrmit;
- Bo ta paga e impuesto di prekario;
- Bo ta usa e tereno manera palabrá.
Kon bo por pidi esaki?
Asin’aki bo ta pidi un pèrmit di prekario:
- Bo ta yena e formulario di petishon kompletamente
- Bo ta entregá tur dokumento ku a pidi, inkluyendo:
- Kopia di dokumento di identidat
- Komprobante di pago di gastunan di leges
- Statuto di kompania òf inskripshon na Kámara di Komèrsio (obligatorio ora ta trata di kompania)
- Kopia di pèrmit di establesimentu
Ora e petishon ta kompletu, ta tuma esaki e ora ei den tratamentu. Entidat públiko Boneiru ta evaluá bo petishon.
Ku ken bo por tuma kontakto?
Pa pregunta bo por tuma kontakto ku Sentro di Kontakto ku Kliente (KCC) di EPB:
- Number di telefòn:+599 715 5330
- Djaluna te ku djaweps: 08:00–12:00 or i 14:00–17:00 or
- Djabièrnè: 08:00–12:00 or i 14:00–16:30 or
- E-mail: info@bonairegov.com
- WhatsApp: (+599) 715 5330
- Bo por usa funshon di chat tambe di bonairegov.com
Kuantu tempu e ta tuma?
Tratamentu di e petishon ta dura máksimo 6 siman.
Bo no ta di akuerdo ku e desishon?
Bo no ta di akuerdo ku un desishon?
E ora ei bo por hasi opheshon. Den e desishon tin pará kon i den ki periodo di tempu bo por hasi esaki.
Despues di opheshon, si ta nesesario, bo por hasi apelashon.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
