Bo ta hasi uzo di tereno públiko na Boneiru? E ora ei ta posibel ku bo tin ku paga impuesto di prekario. E impuesto ta un pago pa uzo di tereno di gobièrnu.
Kiko e produkto òf servisio aki ta nifiká?
Bo ta paga impuesto di prekario solamente si bo ta hasi uzo di tereno públiko.
Bo no tin opheto riba, bou di òf ariba tereno públiko? E ora ei bo no ta paga impuesto di prekario.
Impuesto di prekario ta un impuesto pa persona- i kompanianan ku tin ophetonan riba, bou di òf ariba tereno públiko.
Tereno públiko ta tereno di entidat públiko Boneiru ku ta destiná pa tur hende.
Ehèmpelnan ta kaya, stupi, parke, hardin públiko i awa públiko.
Ehèmpel di ophetonan pa kua bo ta paga impuesto di prekario:
- terasa
- kabel i tubu
- material di konstrukshon
- parasòl
- propaganda luminoso
- bandera
Ki ora bo por pidi esaki?
Bo ta paga impuesto di prekario si:
- bo tin un opheto riba, bou di òf ariba di tereno públiko
- pa esaki bo tin òf tin mester di un pèrmit
- bo ta hasi uzo di e tereno manera palabrá
Kon bo por pidi esaki?
Asin’aki impuesto di prekario ta funshoná:
- bo ta pidi un pèrmit pa uzo di tereno públiko (Pèrmit di prekario)
- despues di aprobashon bo ta risibí un aanslag di impuesto di prekario
- bo ta paga e impuesto di prekario konforme e aanslag
Ta imponé e impuesto hopi bia pa aña.
Ku ken bo por tuma kontakto?
Pa pregunta bo por tuma kontakto ku Sentro di Kontakto ku Kliente (KCC) di EPB:
- Number di telefòn: +599 715 5330
- Djaluna te ku djaweps: 08:00–12:00 or i 14:00–17:00 or
- Djabièrnè: 08:00–12:00 or i 14:00–16:30 or
- E-mail:info@bonairegov.com
- WhatsApp:(+599) 715 5330
- Bo por usa funshon di chat tambe di bonairegov.com
Kuantu tempu e ta tuma?
Mayoria bia ta imponé e aanslag di impuesto di prekario anualmente.
Riba e aanslag tin pará denter di ki término bo mester paga.
Bo no ta di akuerdo ku e desishon?
Bo no ta di akuerdo ku e aanslag?
E ora ei bo por hasi opheshon. Den e aanslag tin pará kon i denter di ki término bo por hasi esaki.
Despues di opheshon, si ta nesesario, bo por hasi apelashon.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
