Bo ta pensa ku un hende no ta tene su mes na regla? E ora ei bo por mèldu esaki na entidat públiko Boneiru. Direktorado di Supervishon & Mantenshon di lei ta investigá e notifikashon. Si ta trata di un violashon di lei, por hala e infraktor su atenshon riba esaki i lo kuminsá ku un trayekto di mantenshon.
Kiko e produkto òf servisio aki ta nifiká?
Bo mes ta eksperensiá fastidio òf daño pa motibu di violashon di lei? E ora ei bo por mèldu. Si bo no ta direktamente envolví, tambe bo por mèldu.
Ku un notifikashon di violashon di lei, bo ta pidi gobièrnu pa kontrolá si ta kibra regla.
Bo por hasi un notifikashon por ehèmpel tokante:
- riolering
- depositá sushi ilegalmente
- molèster di zonido na aktividatnan òf establesimentunan ku mester di pèrmit
- molèster di holó
- aktividatnan di empresa ilegal
- outo bieu/defekto riba kaya
- uso no permití di kaminda públiko
- konstrukshon ilegal
- rekreashon di estadia ilegal
- un kònteiner riba kaminda públiko
- uso di un tereno ku ta kontra di e Plan di Desaroyo Teritorial (ROB)
- deskarga di awa sushi riba kaminda públiko òf tereno di gobièrnu
- konstruí na un forma ku ta desviá for di e pèrmit di konstrukshon otorgá
Despues di bo notifikashon, Direktorado di Supervishon & Mantenshon di lei ta wak si a kibra ku regla. Si esaki ta asina, gobièrnu por tuma medida kontra e empresa òf persona ku no ta kumpli ku regla.
Kon bo por pidi esaki?
Ora un hende konstatá un infrakshon riba kua Direktorado di Supervishon & Mantenshon di lei tin supervishon, e persona akí por mèldu. Esaki por na e siguiente maneranan:
via e formulario online di Direktorado di Supervishon & Mantenshon di lei
via e-mail: bisami_th@bonairegov.com
òf tuma kontakto telefónikamente ku Direktorado di Supervishon & Mantenshon di lei: +599 790 0707
Ta importante pa yena e formulario kompleto i korekto. Pa por evaluá e notifikashon bon, nos ta pidi bo, si ta posibel, pa manda potrèt di e situashon tambe.
Despues di entregá e notifikashon, e persona ku a mèldu ta haña un konfirmashon outomátiko ku ta indiká ku a risibí su notifikashon. Ademas, e persona ku a mèldu ta haña un konfirmashon tambe via e-mail di bisami_th@bonairegov.com.
Pa mas informashon, tuma kontakto ku Direktorado di Supervishon & Mantenshon di lei via:
• E-mail: bisami_th@bonairegov.com
• Telefòn: (+599) 790 0707 / 715 5300 (general)
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
