Bo ke organisá un aktividat òf un evento chikitu na Boneiru? E ora ei bo tin ku manda un notifikashon di esaki pa Entidat Públiko Boneiru. Di e manera akí gobièrnu sa kiko ta bai pasa i nan por sòru pa òrden i siguridat.
Kiko e produkto òf servisio aki ta nifiká?
Sòru pa bo hasi bo notifikashon òf bo petishon pa pèrmit na tempu. Si bo ta lat ku esaki, bo aktividat òf bo evento no por sigui.
Un notifikashon di un aktividat ta un mensahe ofisial pa Gezaghèber. Ku e notifikashon akí bo ta duna di konosé ku bo ke tene un aktividat chikitu i simpel. Esaki ta pará den e Ordenansa General di Polis (Algemene Politie Keur – APK).
Den kaso di notifikashon bo no ta pidi pèrmit. Solamente bo ta laga sa kiko bo ta bai hasi, na unda i ki dia.
Esaki ta intenshoná pa aktividatnan ku tin tiki riesgo pa siguridat i òrden públiko.
Pa aktividat òf evento mas grandi bo tin mester di un pèrmit di APK.
E ora ei sí bo ta pidi pèrmit serka Entidat Públiko Boneiru.
Ehèmpel:
- Notifikashon di aktividat (APK):
reunion chikitu, aktividat chikitu di bario, aktividat simpel sin riesgo grandi. - Pèrmit di APK:
evento ku hopi bishitante, músika duru, alkohòl, seramentu di kaminda òf artista djafó.
Bo ta duda si bo tin ku hasi notifikashon òf pidi un pèrmit? E ora ei tuma kontakto ku Entidat Públiko Boneiru.
Ki ora bo por pidi esaki?
Bo tin ku entre otro:
- entregá e notifikashon minimalmente 2 siman promé ku e aktividat
- manda tur e dokumentunan pidí
- kumpli ku e reglanan pa siguridat i òrden públiko
Si bo no kumpli ku e kondishonnan akí, nos por para e aktividat.
Kon bo por pidi esaki?
Yena e formulario digital.
Tin dos posibilidat:
- Notifikashon di aktividat (APK)
- Pa aktividat chikitu i simpel
- Bo ta entregá e notifikashon minimalmente 2 siman adelantá
- Pèrmit di APK
- Pa aktividat i evento mas grandi
- Bo ta entregá e petishon minimalmente 6 siman adelantá
- Den kaso di evento ku artista djafó: minimalmente 8 siman adelantá
Ta te ora bo manda tur dokumentu pidí, bo petishon òf notifikashon ta kompletu.
Kuantu tempu e ta tuma?
E notifikashon mester drenta por lo ménos 2 siman promé ku inisio di e aktividat.
Pa pèrmit un término di 6 pa 8 siman ta na vigor.
Kuantu e ta kosta?
Hasi notifikashon pa aktividat ta grátis.
Bo no ta di akuerdo ku e desishon?
Bo no ta di akuerdo ku un desishon? E ora ei bo por hasi opheshon.
Den e karta di Entidat Públiko Boneiru tin pará kon i dentro di kuantu tempu bo tin ku hasi esaki.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
