Un evento chikí ta un evento ku ta kousa tiki molèster. Bo mester notifiká e outoridat lokal por lo ménos 4 siman delantá tokante di e evento. Si bo ta kumpli ku e kondishonnan, bo no tin mester di un pèrmit pa organisá evento.
Kiko e produkto òf servisio aki ta nifiká?
Un evento chikí por ta, por ehèmpel, un marshe kaminda ta bende artíkulonan segunda mano, un fiesta den kaya òf un barbekiú di bario. Na eventonan chikí no tin hopi hende. Eventonan chikí ta kousa tiki molèster pa abitantenan i pa tráfiko. Bo mester informá e outoridat lokal tokante di un evento chikí.
Di e manera akí bo ta sa si bo ta organisando un evento chikí:
- bo no ta kousa molèster di zonido;
- no tin mester di tuma medidanan di tráfiko;
- servisionan di emergensia mester por pasa libremente.
Ki ora bo por pidi esaki?
Lesa e formulario di notifikashon pa bo ta na altura di tur kondishon. Bo no ta kumpli ku e kondishonnan? E ora ei bo ta organisando un evento grandi. Pa esaki bo mester pidi un pèrmit serka e outoridat lokal.
Kon bo por pidi esaki?
Di e manera akí bo ta organisá un evento chikí:
- bo mester notifiká e outoridat lokal tokante di bo evento por lo ménos 4 siman delantá;
- bo mes mester sòru pa e evento kana di un manera sigur.
Por ta posibel ku bo mester pidi pèrmit òf dispensashonnan pa aktividatnan ku lo tuma lugá durante e evento.
Ku ken bo por tuma kontakto?
Departamento di Asuntunan Hurídiko i General (JAZ)
Adrès: Kaya Industria Pariba 28
Telefòn: (+599) 717 5330
E-mail: apk@bonairegov.com
Orario di servisio
Djaluna te ku djabièrnè: 08:00 or – 12:00 or
14:00 or – 16:00 or
Kuantu tempu e ta tuma?
E outoridat lokal lo manda bo un konfirmashon di bo notifikashon dentro di 10 dia di trabou.
Kuantu e ta kosta?
Manda notifikashon di un evento ta grátis.
Ki lei i regla ta konta aki?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
