Un evento grandi ta atraé hopi hende i por kousa molèster. Pa organisá un evento grandi, en todo kaso, bo tin mester di un pèrmit pa evento. Bo mester pidi e pèrmitnan serka e outoridat lokal.
Kiko e produkto òf servisio aki ta nifiká?
Un evento grandi por ta, por ehèmpel, un marshe grandi, un parada di karnaval, un feria, un konsierto òf un festival. E evento ta habrí pa públiko. Un evento grandi hopi biaha ta kousa molèster pa e área rondó di dje. Pa organisá un evento grandi, bo mester pidi un pèrmit serka e outoridat lokal.
Di e manera akí bo ta sa si bo ta organisando un evento grandi:
- bo evento ta habrí pa públiko;
- e evento:
- ta pafó òf den un tènt; òf
- ta paden, na un lugá ku no ta destiná pa tene evento;
- ta toka músika duru durante e evento;
- mester tuma medidanan di tráfiko.
Ki ora bo por pidi esaki?
Lesa e formulario di notifikashon pa bo ta na altura di tur kondishon. Bo ta organisando un evento chikí? E ora ei bo no mester pidi un pèrmit. Loke sí bo mester hasi ta, notifiká e outoridat lokal tokante e evento.
Kon bo por pidi esaki?
Di e manera akí bo ta organisá un evento grandi:
- Pidi e pèrmit na tempu serka e outoridat lokal.
E outoridat lokal lo koordiná ku, entre otro, servisionan di seguridat. Esaki por resultá den kondishonnan adishonal.
Bo ta organisá un evento grandi pa kua posiblemente bo tin mester di mas ku un pèrmit? E ora ei bo mester tuma kontakto ku e outoridat lokal promé ku bo pidi e pèrmit.
Talbes mester pidi un pèrmit òf eksonerashon pa, por ehèmpel:
- pone bòrchi di propaganda òf bòrchi ku ta duna direkshon;
- organisá un evento riba djadumingu òf un dia di fiesta;
- organisá un festividat pa un okashon spesial den bo negoshi, esaki ta konta tambe pa negoshinan den sektor di hospitalidat;
- sirbi bebida alkohóliko temporalmente;
- usa kamindanan públiko i asera durante un kompetensia di baiskel òf di korementu;
- toka músika òf hasi zonido duru riba kaya;
- organisá un evento den òf serka di un área di naturalesa.
Ku ken bo por tuma kontakto?
Departamento di Asuntunan Hurídiko i General (JAZ)
Adrès: Kaya Industria Pariba 28
Telefòn: (+599) 717 5330
E-mail: apk@bonairegov.com
Orario di servisio
Djaluna te ku djabièrnè: 08:00 or – 12:00 or
14:00 or – 16:00 or
Kuantu tempu e ta tuma?
E outoridat lokal lo tuma un desishon dentro di 8 siman despues di a risibí bo petishon. E outoridat lokal por prolongá e plaso aki un biaha.
Bo no ta di akuerdo ku e desishon?
Bo por hasi un opheshon kontra e desishon ku e keda tumá riba bo petishon. Bo mester hasi esaki dentro di 6 siman. Ainda bo no ta di akuerdo ku e desishon riba bo opheshon? E ora ei bo por entrega un apelashon na korte.
Ki lei i regla ta konta aki?
Unda bo por haña mas informashon?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
