Bo ke traspasá bo tereno di hür pa otro hende?
Bo mester entregá un petishon pa esei.
Kiko e produkto òf servisio aki ta nifiká?
Kambio di tereno di hür – por pèrmití erfpacht (solamente) si riba e tereno di hür tin un bibienda habitá. E hürdó so por entregá un petishon asina. E no por tin niun otro erfpacht riba su nòmber. E ta dependé tambe di e destinashon ku tin pa e tereno.
Ki ora bo por pidi esaki?
Bo por skohe pa traspasá e tereno di hür pa otro hende, por ehèmpel pa un miembro di famia. Esaki por, por ehèmpel, ora bo ta na un edat avansá. E persona ku bo ta traspasá e erfpacht p’e, mester a nase na Boneiru i mester biba na Boneiru.
Kon bo por pidi esaki?
Skirbi un karta di petishon na Entidat Públiko Boneiru (EPB) i entregá esaki na Direktorado di Planifikashon i Desaroyo (R&O). Pone un kopia di ID di esnan envolví i, si pidi pa esaki, prueba di inskripshon / residensia.
Direktorado di Planifikashon i Desaroyo lo laga bo sa kua paso ta sigui.
Ku ken bo por tuma kontakto?
Bali di Direktorado di Planifikashon i Desaroyo (R&O)
Por manda e-mail tambe pa directie_ro@bonairegov.com (general).
Kuantu tempu e ta tuma?
Dependé di evaluashon i atministrashon.
Kuantu e ta kosta?
Traspasá tereno di hür ta kosta $6.
Bo no ta di akuerdo ku e desishon?
Bo no ta di akuerdo ku un desishon? Mayoria bia bo por presentá un opheshon. Puntra na bali òf den e karta di desishon kon pa presentá un opheshon i den ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
