Bo ke hasi petishon pa tereno di hür? Bo por entregá un karta na Kolegio Ehekutivo pa medio di Direktorado di Planifikashon i Desaroyo (R&O).
Kiko e produkto òf servisio aki ta nifiká?
Tereno di hür ta destiná pa uso agrario i, en prinsipio, no ta destiná pa konstrukshon di bibienda.
- Por konstruí un kasita/bibienda desmontabel di un máksimo di 120 m².
- E fundeshi por ta di betòn, miéntras ku sobrá di e konstrukshon mester ta di palu.
Awendia departamentu di bombero por rekerí pa tantu kushina komo baño ta konstruí di betòn pa seguridat di kandela.
Ki ora bo por pidi esaki?
Si bo ta biba na Boneiru i ke planta mata òf kria bestia.
Kon bo por pidi esaki?
Bo por hasi e petishon simpel via e formulario di aplikashon online. Sigui e pasonan indiká den e formulario pa esaki.
Ku ken bo por tuma kontakto?
E-mail: directie_ro@bonairegov.com
òf bali Direktorado R&O (Planifikashon & Desaroyo): Kaya Amsterdam s/n
Kuantu tempu e ta tuma?
Dependé di registrashon, evaluashon, i disponibilidat.
Kuantu e ta kosta?
$6,- (pa paga na Asuntanan Sivil).
Bo no ta di akuerdo ku e desishon?
Bo no ta di akuerdo ku un desishon? Mayoria bia bo por presentá un opheshon. Puntra na bali òf den e karta di desishon kon pa presentá un opheshon i den ki término.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
