Bo ta deseá di kombiná dos òf mas parsela di tereno di hür? Bo por entregá un petishon e ora ei.
Kiko e produkto òf servisio aki ta nifiká?
Direktorado R&O por pidi informashon di Kadaster i un skèts di e situashon.
Den kaso di kombinashon ta uni e parselanan. Esaki por tin konsekuensia pa bo kontrakt di hür i atministrashon.
Ki ora bo por pidi esaki?
Kombinashon di e parselanan mester ta posibel (por ehèmpel nan ta konektá ku otro i ta kuadra ku e maneho).
Kon bo por pidi esaki?
Entregá un petishon por eskrito na Direktorado R&O ku:
- Bo datonan;
- Datonan di e tereno di hür;
- Number di parsela;
- I motibu.
Añadí (si ta disponibel) informashon di Kadaster i un skèts di e situashon.
Ku ken bo por tuma kontakto?
Bali di Direktorado Planifikashon i Desaroyo (R&O).
Bo por manda e-mail tambe pa directie_ro@bonairegov.com (general).
Kuantu tempu e ta tuma?
Ta dependé di evaluashon i atministrashon.
Bo no ta di akuerdo ku e desishon?
Bent u het niet eens met een besluit?
Dan kunt u meestal bezwaar maken.
Vraag bij de balie of in de besluitbrief hoe u bezwaar maakt en binnen welke termijn.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
