Muda na Boneiru

Bo ta bai muda? E ora ei bo mester notifiká esaki na departamento di Registro Sivil. Esaki por te ku 5 dia despues di e mudansa.

Kiko e produkto òf servisio aki ta nifiká?

Kiko bo mester tene bon kuenta kuné?

Bo mester informá departamento di Registro Sivil tokante bo mudansa.

Ku un mudansa, bo ta indiká bo adrès nobo. Departamento di Registro Sivil ta adaptá e registro di poblashon.

Ki ora bo por pidi esaki?

E kondishonnan pa notifiká un mudansa ta entre otro:

Bo tin 16 aña òf mas.
Bo tin pèrmit di e habitante si bo ta bai biba ku un hende.

E siguiente personanan por notifiká e mudansa:

bo mes
un mayor, tutor òf persona ku ta kuida bo
esposo i esposa ku ta biba huntu òf partner registrá por notifiká pa otro (si nan ta muda huntu pa e adrès nobo)
mayornan ku ta biba huntu i yunan mayor di edat (18+) ku ta biba huntu por notifiká pa otro (si nan ta muda huntu pa e adrès nobo)
un representante legal
un persona mayor di edat ku outorisashon por eskrito
e hefe di un institushon di kuido di salú por registrá pa un persona ku ta alohá den e institushon ei i ku, pa motibu di su estado di salú, no por kumpli ku su obligashonnan òf duna un outorisashon, òf e esposo/esposa, partner registrá òf famia di te ku di dos grado di e persona akí, entregando un deklarashon por eskrito di e hefe di e institushon konserní

Kon bo por pidi esaki?

Asina bo ta notifiká un mudansa:

Bo ta hasi un sita ònlain.
Bo ta hiba un dokumento di identidat bálido.

Òf:

Bo ta yena e formulario ‘Raportá un kambio di adrès’ i manda esaki pa burgerzaken@bonairegov.com huntu ku
Un kopia di un prueba di identidat bálido (Pasport òf sédula)

Ku ken bo por tuma kontakto?

Departamento Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio
Djaluna te ku djawps: 08:00 - 15:00 or
Djabièrnè: Será

Kuantu tempu e ta tuma?

Máksimo 5 dia despues di e mudansa.

Kuantu e ta kosta?

Notifiká un mudansa ta grátis.

Ki lei i regla ta konta aki?

Wet basisadministraties persoonsgegevens BES

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.