Emigrashon

Bo ta muda bai den eksterior òf bo lo keda den eksterior pa por lo ménos 8 luna den un periodo di 12 luna? E ora ei bo mester notifiká esaki dentro di 10 dia promé ku bo salida.

Kiko e produkto òf servisio aki ta nifiká?

Bo ta biba na Boneiru i bo lo bai biba pafó di Boneiru? Bo ta notifiká esaki na departamento di Registro Sivil di Boneiru si bo lo keda pafó di e entidat públiko pa mas ku 8 luna den un periodo di 1 aña.

Si bo ta bai biba na Saba òf Sint Eustatius pa mas ku 4 luna den un periodo di 6 luna, tambe bo mester notifiká esaki na departamento di Registro Sivil di Boneiru.

E periodo di 4 òf 8 luna no mester ta un periodo kontinuo. Ounke si bo ta mantené bo kas na Boneiru, bo mester informá departamento di Registro Sivil tokante e mudansa.

Lesa mas informashon pa hulandesnan den eksterior riba Nederlandwereldwijd.nl.

Ki ora bo por pidi esaki?

Bo ta hasi e notifikashon dentro di 10 dia promé ku bo salida.
Bo ta hasi bo notifikashon por eskrito.
Bo ta manda un kopia di bo dokumento di identidat bálido.
Bo ta duna e siguiente informashon:
- Na kua pais bo lo biba.
- Kua ta bo promé adrès (ku nòmber di lugá).
- E fecha ku bo lo muda.
E siguiente personanan por hasi notifikashon di e emigrashon:
- bo mes.
- un mayor, tutor òf persona ku ta kuida bo.
- esposonan òf partnernan registrá ku ta biba huntu, pa otro (si nan ta muda huntu bai e mes adrès).
- mayornan ku ta biba huntu i yunan mayor di edat (18+), pa otro (si nan ta muda huntu bai e mes adrès).
- un representante legal.
- un mayor di edat ku outorisashon por eskrito.
- e hefe di un institushon di kuido di salú por registrá pa un persona ku ta alohá den e institushon ei i ku, pa motibu di su estado di salú, no por kumpli ku su obligashonnan òf duna un outorisashon, òf e esposo/esposa, partner registrá òf famia di te ku di dos grado di e persona akí. E hefe di e institushon konserní mester entregá un deklarashon por eskrito.

Kon bo por pidi esaki?

Asina bo bo ta notifiká bo salida na un otro pais:

Bo ta hasi e notifikashon dentro di 10 dia promé ku bo salida.
Bo ta hasi bo notifikashon por eskrito.
Bo ta manda un kopia di bo dokumento di identidat bálido.
Bo ta duna e siguiente informashon:
- Na kua pais bo lo biba.
- Kua ta bo promé adrès (ku nòmber di lugá).
- E fecha ku bo lo muda.

Ku ken bo por tuma kontakto?

Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio:
Djaluna te ku djaweps: 08:00 - 15:00 or
Djabièrnè: será

Kuantu e ta kosta?

Notifiká un mudansa ta grátis. Bo tin mester di un prueba ku bo no ta inskribí mas den registro sivil? Esaki sí tin kosto mará na dje.

Ki lei i regla ta konta aki?

Wet basisregistratie personen

Unda bo por haña mas informashon?

Meer informatie over emigreren (Rijksoverheid.nl)

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.