Produkto i Servisio
Gobièrnu i Organisashon
Aktualidat

Imigrashon

Tur persona ku:

-a risibí un pèrmit di estadia bálido for di Servisio di Imigrashon i Naturalisashon (IND)

-i ke keda mas ku kuater luna den mei aña na Boneiru,

mester traha un sita mas lihé posibel  despues di a risibí e pèrmit di estadia pa inskribí nan mes personalmente na e departamento di Registro Sivil di entidat públiko Boneiru. Tur miembro di famia ku ta muda huntu mester presentá personalmente na e sita pa e inskripshon.

Kiko e produkto òf servisio aki ta nifiká?

Kiko bo mester tene bon kuenta kuné?

Bo por inskribí na Registro Sivil solamente despues ku bo a risibí un pèrmit di estadia bálido di Servisio di Imigrashon i Naturalisashon (IND-CN).
Pa mas informashon tokante pèrmitnan di estadia, bo por wak riba rijksdienstcn.com. Tambe bo por tuma kontakto ku IND via   rijksdienstcn.com.

Si ta promé biaha ku bo ta muda pa Boneiru, bo mester inskribí den e atministrashon di poblashon (PIVA) di entidat públiko Boneiru. Esaki nos ta yama “promé inskripshon”. Asina bo ta risibí un number di identifikashon. Bo tin mester di e number akí, por ehèmpel, si bo tin mester di kuido médiko, kuido di largu durashon na Boneiru òf si bo ke habri un kuenta bankario na Boneiru.

Bo a biba anteriormente na Boneiru, pero bo a muda pa eksterior promé ku 1997? E ora ei bo tambe mester hasi un “promé inskripshon”.

Ta te despues ku bo a inskribí na Registro Sivil bo por apliká pa un sédula.

Ki ora bo por pidi esaki?

E kondishonnan pa un promé inskripshon na Boneiru ta:

  • Bo tin:
    • un pèrmit di estadia bálido di IND, emití pa un periodo mas largu ku 4 luna;
    • un pasport bálido.
  • Bo lo keda biba mas ku 4 luna na Boneiru.

Kon bo por pidi esaki?

Asina bo ta inskribí pa promé biaha na Boneiru:

  • Traha un sita pa imigrashon.
  • Bin personalmente na departamento di Registro Sivil.
  • Hiba:
    • un pèrmit di estadia bálido. Bo ta pidi esaki na IND
    • un pasport bálido di kada persona ku ta bai inskribí;
    • un prueba ku e persona no ta registrá mas na registro sivil pa siudadano ku ta bini for di Hulanda, òf e parti karibense di reino (Aruba, Kòrsou, Sint Maarten, Sint Eustatius i Saba);
    • si bo a nase den eksterior: dokumentonan ofisial legalisá, manera un ekstrakto resien di e akta di nasementu, un ekstrakto di e akta di matrimonio, un ekstrakto di e akta di divorsio òf e ekstrakto di akta di fayesimentu di bo partner. Pa mas informashon tokante legalisashon (i apostille), wak wèpsait di Nederlandwereldwijd
    • un prueba ku bo tin bibienda, manera un kontrato di hür òf prueba di propiedat;
    • eventualmente e siguiente aktanan:
      • un akta di matrimonio òf divorsio;
      • un akta di fayesimentu di bo partner (komo prueba ku e matrimonio a terminá pa motibu di fayesimentu);
      • e akta di nasementu di bo yunan.
    • Bo tin un prueba ku bo no ta registrá mas den e registro sivil di e pais anterior? Trese esaki tambe.
  • Tur persona ku ta muda huntu ku bo mester bin personalmente tambe.

E dokumentonan ku a pidi no ta skirbí na hulandes, ingles òf spañó? Òf bo no tin un formulario multilingwe? E ora ei bo mester laga tradusí nan. Si e traduktor na Boneiru ta hasi tradukshonnan huramentá, bo no mester legalisá e tradukshon. E traduktor den r den eksterior a huramentá?, Despues bo mester tin tambe e dokumento original legalisá tradusí legalisá den eksterior. .

Ku ken bo por tuma kontakto?

Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio
Djaluna te ku djaweps: 08:00 – 15:00 or
Djabièrnè: será

Kuantu tempu e ta tuma?

Bo tin 5 dia di trabou despues di a risibí e pèrmit di estadia pa bai na departamento di Registro Sivil.

Kuantu e ta kosta?

Inskribí na Registro Sivil ta grátis.

Ki lei i regla ta konta aki?

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei  Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat