Sédula

Un karchi di identifikashon (sédula) ta un dokumento di identidat i tambe un dokumento pa estranhero. Tur persona for di diesdos aña tin obligashon di por mustra un dokumento di identidat.

Ta otorgá un sédula na personanan inskribí den e atministrashon di poblashon na registro sivil na Boneiru. Lo registrá bo bo solamente despues ku bo a risibí un pèrmit di estadia serka IND. Wak e página di IND pa mas informashon.

Kiko e produkto òf servisio aki ta nifiká?

Kiko bo mester tene bon kuenta kuné?

Bo por hasi un sita pa un sédula solamente si bo ta inskribí na Boneiru.

Semper mester hasi petishon personalmente pa e sédula. Bo por regla e petishon di un sédula dor di hasi un sita online òf dor di pasa durante e oranan di servisio.

Ki ora bo por pidi esaki?

Pa hasi petishon pa un sédula bo mester ta inskribí na Boneiru.

Kon bo por pidi esaki?

Pidi un sédula na departamento di Registro Sivil. Na momentu di hasi e petishon bo mes mester ta presente. Ta traha e sédula mesora.

Pa hasi petishon pa un sédula bo mester trese e siguiente dokumentunan:

Pèrmit di estadia original (si ta aplikabel);
Karchi di identidat bieu;
Un pasport òf reibeweis bálido si bo no tin un sédula.

Kuantu tempu e ta tuma?

Ta traha un sédula miéntras bo ta warda.

Ora bo ta hasi petishon pa un sédula (inmediatamente) despues di inskripshon na Boneiru, bo mester tene kuenta ku por tin un tempu di espera di dos siman.

Kuantu e ta kosta?

Un sédula ta kosta:

Produkto	Preis
Sédula pa menor di edat	$2,79
Sédula pa mayor di edat	$8,38
Sédula pèrdí pa menor di edat	$8,38
Sédula pèrdí pa mayor di edat	$13,97

Ki lei i regla ta konta aki?

Wet identificatieplicht BES

Kiko nos ta hasi ku bo datonan personal?

Ora bo hasi un petishon òf un notifikashon, entidat públiko Boneiru tin mester di bo datonan personal. Entidat públiko Boneiru ta anda kuidadosamente ku bo datonan.

Den e Lei di Protekshon di Datonan Personal BES tin pará kon entidat públiko Boneiru tin ku hasi esaki.

E reglanan mas prinsipal ta:

Entidat públiko Boneiru ta pidi solamente e datonan ku ta nesesario pa tratamentu di bo petishon òf notifikashon.
Nan ta registrá i prosesá bo datonan na un manera seif, konfiabel i kuidadoso.
Nan ta usa bo datonan solamente pa e petishon òf e notifikashon, òf pa algu ku tin direktamente di haber ku esei.
Nan no ta warda bo datonan mas tantu tempu ku ta nesesario pa e petishon òf notifikashon.
Otro organisashonnan ta haña bo datonan solamente si esaki ta obligatorio segun lei.
Bo tin mag di puntra pakiko nan ta usa bo datonan i kiko ta pasa ku nan.