Registro Sivil ta habri èkstra

Registro Sivil ta amplia su oranan pa duna servisio e siman ku ta bini. E dia i oranan ku ta habrí èkstra ta pa yuda esnan ku dia 29 I 30 di yüni tabatin un sita. No por a atendé nan paso e sistema di kòmpiuter di registro sivil a kai afó.

Djaluna 4 yüli 2022 ta atendé personanan ku tabata tin sita riba 29 yüni 2022 entre 4’or de atardi pa 7’or di anochi. Djamars 5 yüli 2022 ta atendé personanan ku tabata tin sita riba 30 yüni 2022 entre 4’or de atardi pa 7’or di anochi.

Pa motibu ku e sistema di kòmpiuter no tabata funshoná  Registro Sivil no por a yuda esnan ku un sita. Mirando ku e personanan akí no mester keda perhudiká Registro Sivil ta habri su portanan den siman binidero. A traha duru pa remediá e problema ku tabatin.

Djaweps tambe Registro Sivil ta habri èkstra pa duna servisio entre 4’or de atardi pa 7’or di anochi. Esaki ta pa esnan ku no tin sita. Esnan ku ya kaba tin un sita por presentá na e fecha i ora palabrá. Ta pidi un i tur pa presentá ku nan dokumentonan nesesario.  Pa traha un sita bishitá e wèpsait di Entidat Públiko Boneiru www.bonairegov.com.