Awe mainta un kònteiner di tanki a kèntel riba e tereno dilanti di Stadion di Playa. Inspektornan di Direktorado di Supervishon i Mantenshon di Lei tabata na e sitio pa evaluá e situashon i posibel riesgo pa siguridat. Te asina leu ku ta konosí na e momentu akí, no tabatin aksidente personal.
Pa basta tempu kaba e lugá pa stashoná outo dilanti di Stadion di Playa ta den uso pa almasenamentu di entre otro kònteiner, treiler, ekipo pisá i otro ophetonan. E tereno no ta destiná pa esaki. Ta trata di tereno públiko ku un funshon públiko pa e stadion i e fasilidat di stashoná outo ku ta pertenesé na esaki.
Presensia i movementu di kònteiner i ekipo pisá na e sitio akí ta bini ku riesgo pa e personanan ku ta biba den serkania, pa usuarionan di kaminda, pa deportistanan i pa otro bishitantenan di e tereno. E insidente di awe mainta ta suprayá ku no por neglishá e riesgonan akí i ku rekuperashon di e funshon públiko di e tereno ta nesesario.
Pa e motibu akí Direktorado di Supervishon i Mantenshon di Lei a prepará un trayekto di rekuperashon i limpiesa.
Entidat Públiko Boneiru ta hasi un yamada urgente riba tur doño i usuario ku tin opheto riba e tereno, pa asumí nan responsabilidat i koperá ku un limpiesa seif i kuidadoso. Pa motibu di riesgo di siguridat mester sinkronisá kitamentu di opheto adelantá ku Direktorado di Supervishon i Mantenshon di Lei via +599 790 0707.
Siguridat di nos komunidat i uso legal di espasio públiko ta bini na promé lugá pa Entidat Públiko Boneiru. Direktorado di Supervishon i Mantenshon di Lei ta sigui supervisá e tereno i informá komunidat tokante desaroyo mas aleu di e trayekto di rekuperashon i limpiesa.
Awe mainta un kònteiner di tanki a kèntel riba e tereno dilanti di Stadion di Playa. Inspektornan di Direktorado di Supervishon i Mantenshon di Lei tabata na e sitio pa evaluá e situashon i posibel riesgo pa siguridat. Te asina leu ku ta konosí na e momentu akí, no tabatin aksidente personal.
Pa basta tempu kaba e lugá pa stashoná outo dilanti di Stadion di Playa ta den uso pa almasenamentu di entre otro kònteiner, treiler, ekipo pisá i otro ophetonan. E tereno no ta destiná pa esaki. Ta trata di tereno públiko ku un funshon públiko pa e stadion i e fasilidat di stashoná outo ku ta pertenesé na esaki.
Presensia i movementu di kònteiner i ekipo pisá na e sitio akí ta bini ku riesgo pa e personanan ku ta biba den serkania, pa usuarionan di kaminda, pa deportistanan i pa otro bishitantenan di e tereno. E insidente di awe mainta ta suprayá ku no por neglishá e riesgonan akí i ku rekuperashon di e funshon públiko di e tereno ta nesesario.
Pa e motibu akí Direktorado di Supervishon i Mantenshon di Lei a prepará un trayekto di rekuperashon i limpiesa (pone e lenk ku e komunikado pa prensa anteriormente den luna di yüli 2026 akinan).
Entidat Públiko Boneiru ta hasi un yamada urgente riba tur doño i usuario ku tin opheto riba e tereno, pa asumí nan responsabilidat i koperá ku un limpiesa seif i kuidadoso. Pa motibu di riesgo di siguridat mester sinkronisá kitamentu di opheto adelantá ku Direktorado di Supervishon i Mantenshon di Lei via +599 790 0707.
Siguridat di nos komunidat i uso legal di espasio públiko ta bini na promé lugá pa Entidat Públiko Boneiru. Direktorado di Supervishon i Mantenshon di Lei ta sigui supervisá e tereno i informá komunidat tokante desaroyo mas aleu di e trayekto di rekuperashon i limpiesa.
