Promé ku e kongreso di pobresa Kolegio Ehekutivo a bai den kòmbersashon ku Minister Schouten tokante e puntonan di bienestar sosial i desaroyo sosial ekonómiko ku ta den e acuerdo di koalishon. Enfoke di e kòmbersashon akí tabata riba penshun básiko pa tur hende na Boneiru, kompensashon pa energia i mínimo sosial. Ku hopi énfasis Kolegio Ehekutivo a trese dilanti serka e minister ku stipulashon di un mínimo sosial ta nesesario i ku esaki tin ku tuma lugá dentro di no muchu hopi tempu.
Ta importante ku ta bini un nivel hustu i aseptabel di entrada ku tin disponibel pa gasta pa habitantenan di Boneiru. Tópikonan manera transporte públiko, bibienda pagabel, kuminda, awa, koriente i telekomunikashon pagabel i konfiabel ta pertenesé originalmente na otro ministerionan. Sinembargo, e aspektonan akí naturalmente ta di importansia tambe pa mehorashon di siguridat di eksistensia na Boneiru. Gruponan minoritario na Boneiru tambe ta inkluí den esaki, kaminda un supervishon severo riba tratamentu di imigrantenan a base di e punto di bista di leinan di imigrashon hustu i ekilibrá ku un tratamentu rápido di prosedura ta di importansia.
E trabou di e Komishon Mínimo Sosial Hulanda Karibense ta pidi pa kontinuashon di parti di ministerio di Asuntunan Sosial i Bienestar i e forma den kua por enbolbí Entidat Públiko Boneiru den esaki. Dentro di e responsabilidatnan gubernamental esaki lo sòru pa un kriterio sólido pa e relashon entre Entidat Públiko Boneiru i Reino.
