GGD Bonaire / Salubridat Públiko
Departamento di Salubridat Públiko, for di 1 di yanüari 2025 konosí komo
GGD Bonaire / Salubridat Públiko ta responsabel pa protehá, stimulá i vigilá salú di tur hende na Boneiru. Salubridat Públiko ta komprometé su mes pa prevení malesa i otro problemanan (prevenshon). Salubridat Públiko su vishon ta pa nos muchanan krese i lanta na un manera salú i pa nos adultonan bira grandi na un manera salú. Tin atenshon spesial pa hende den kualke situashon vulnerabel. Salubridat Públiko no ta ofresé kuido personal, manera tratamentu di keho di salú, esei ta tarea di dòkter di kas òf di hòspital.
En breve, Salubridat Públiko ta hunga un ròl importante na momentu di sòru pa salú di habitantenan di Boneiru, pa medio di prevení plamamentu di malesa, ofresé bakunashon, traha riba un ambiente salú i un estilo di bida salú i pa medio di hasi investigashon di problemanan di salú i tendensianan. Naturalmente Salubridat Públiko no ta hasi esaki su so, pero huntu ku profeshonalnan, organisashonnan i habitantenan di Boneiru. E responsabilidatnan di Salubridat Públiko ta stipulá legalmente den ‘Lei di Salubridat Públiko – Wet Publieke Gezondheid’.
