Angua

E angua kontra grip anual i e angua kontra corona

Den e último lunanan di aña e chèns pa haña grip òf corona ta oumentá. Ora hende grandi kontagiá, nan por bira hopi malu i resultá den hospital.

For di 18 di òktober 2025, bo por pasa e angua kontra grip i e angua kontra corona. E anguanan ta sòru pa un mihó protekshon. Si bo haña grip òf corona, e chèns ku bo ta bira gravemente malu ta mas chikitu.

E anguanan ta grátis. Bo ta skohe si bo ke solamente e angua kontra corona òf solamente e angua kontra grip òf tur dos angua.

Pa ken e angua kontra grip i e angua kontra corona ta?

Tur habitante di 60 aña bai ariba
Hende mas yòn ku 60 aña ku tin malesa pa tempu largu, manera:

  • keho di kurason
  • keho di pulmon
  • malesa di suku
  • sobrepeso
  • preshon di sanger haltu

Hende mas yòn ku 60 aña ku un sistema imunológiko malu
Hende mas yòn ku 60 aña ku ta traha den kuido di salú

Bo tin pregunta? E ora ei yama GGD Bonaire / Salubridat Públiko na number +599 777 6102 òf yama bo dòkter di kas.