Dengue, zika i chikungunya
Dengue, zika, i chikungunya ta vírùsnan ku ta hasi bo malu. Bo por asta muri ora bo haña dengue. E sangura Aedes aegypti ta plama e vírùsnan. Por rekonosé e sangura akí na su pianan pretu ku strepi blanku. Na Boneiru tambe e sangura akí ta aktivo i e malesanan akí por plama.
Kon bo por prevení dengue, zika i chikungunya?
Danki Dios bo mes por hasi hopi pa prevení e malesanan akí. Na promé lugá bo mester evitá ku sangura ta brui den bo ambiente. Na mes momentu bo mester prevení ku sangura ta piká bo. Si bo tin un di e malesanan akí, via sangura, bo por kontagiá otro!
1. Eliminá kriadero
E sangura Aedes aegypti ta biba den bisindario di hende i ta pone su webunan den awa ku ta keda para. Kana tur siman rònt den bo kurá i buska posibel opheto den kua awa por keda para. Pa eliminá kriadero di sangura, semanalmente mester tuma e siguiente medidanan:
- Deshasí di tur opheto ku awa por bai aden òf ku por fangu awa. Mira akí un lista ku posibel opheto.
- Pa ophetonan ku no por warda, ku e banda gròf di un spòns pa skür, bo por kita e webunan (esakinan ta e puntanan pretu) na e bandanan lizu.
- Bo tin barí òf baki pa pone awa pa mata òf bestia? E ora ei, tapa esakinan bon pa sangura. Por ehèmpel, esaki por ku un paña òf skrin kontra sangura ku un faha di elastik ku ta span rònt di esaki.
- Bo tin pregunta tokante tratamentu di barí i baki di awa? Tuma kontakto e ora ei ku departamento di Salubridat Públiko via +599 715 5324.
2. Evitá ku sangura ta pika bo
E sangura Aedes aegypti ta pika durante dia i ta mas aktivo mainta tempran i atardi. Pa evitá ku sangura ta pika bo, spesialmente durante e oranan akí, bo ta tuma e siguiente medidanan:
- Usa un sprei/loshon ku ta kontené minimalmente 30% DEET
- Pèrkurá ku bo kas ta liber di sangura i tene bentana i porta será i/òf hasi uso di skrin kontra sangura
- Drumi, tambe durante dia, bou di un muskitero
- Bisti paña koló kla, karson largu, manga largu, mea i sapatu será
Prevení dengue, zika i chikungunya!
