Djárason 14 di òktober 2026 e promé konvoi pa transporte públiko a yega nos isla. Entidat Públiko Boneiru ta preparando inisio di e servisio di bùs, di manera ku dentro di poko habitantenan por hasi uso di transporte públiko.
Yegada di e konvoi ta un desaroyo importante pa Boneiru. Na kuminsamentu di aña 2027 ta ferwagt kuater konvoi mas. Te na e momentu ei ta hasi uso di e promé bùs riba un ruta temporal. Asina ku e otro bùsnan ta disponibel, ta amplia e servisio di transporte ku un skema di ruta nobo. Den esaki Entidat Públiko Boneiru ta traha huntu ku Autobusbedrijf Curacao (ABC).
Diputado Dennis Martinus ta kontentu ku yegada di e promé bùs:
‘Nos ta sumamente kontentu ku yegada di e promé bùs na Boneiru. Pa hopi aña kaba hopi habitante ta wardando riba esaki. Ta bunita pa mira ku transporte públiko a kuminsa bira realidat awor akí. Ta un fasilidat importante pa nos komunidat.’
E servisio di konvoi ta destiná pa tur hende. Den e periodo binidero nos ta anunsiá mas informashon tokante e fecha di inisio, e rutanan, e paradanan di bùs, e oranan di salida, e dianan riba kua e konvoi ta kore i hopi mas.
