Ora bo kumpra algu, bo mester por konfia ku e preis ta kuadra. Tin biaha e preis ta dependé di un midí. Pensa riba e peso di fruta òf e kantidat di gasolin ku bo ta yena.
Bo ta pensa ku un preis no ta korekto pasobra un meter òf balansa no ta midi bon? E ora ei bo ta hasi un notifikashon na Direktorado di Supervishon i Mantenshon.
Kiko e produkto òf servisio aki ta nifiká?
Den tienda i na negoshi, den hospital i botika, ta usa meter i balansa. Pensa riba pòmp di gasolin, meter di awa, meter di koriente i balansa. E aparatonan akí ta midi, por ehèmpel, kuantu gasolin, awa òf koriente bo ta usa, òf kuantu un produkto ta pisa.
Negoshinan mester usa meter i balansa ku ta ofisialmente aprobá. Tambe nan mester usa unidatnan fiho pa midi. E unidatnan ofisial na Boneiru i den region ta kilogram i liter.
E reglanan ta den: lei di ‘IJk’ BES 2014, Regulashon di ‘IJk’ BES i Dekreto di unidatnan di midi 2006. E reglanan akí ta protehá konsumidónan i ta sigurá un komèrsio hustu.
‘IJKwezen’ (servisio di kalibrashon legal di midí i peso), ta kontrolá si negoshinan ta mantené nan mes na e reglanan akí. E kontròl di midí i peso ta kai bou di Direktorado di Supervishon i Mantenshon di lei di Entidat Públiko Boneiru.
Bo ta pensa ku un preis no ta kuadra? Por ehèmpel pa motibu di un midí inkorekto, un balansa ku no ta bon ahustá òf un meter ku no ta funshoná bon? E ora ei bo por hasi un notifikashon.
Kon bo por pidi esaki?
Bo tin sospecho ku un preis no ta kuadra? E ora ei bo por hasi un notifikashon na Direktorado di Supervishon i Mantenshon di lei.
Bo por hasi bo notifikashon via:
- e-mail: bisami_th@bonairegov.com
- telefòn: +599 790 0707
E departamento lo evaluá bo notifikashon i por hasi un kontrol na e negoshi.
Ku ken bo por tuma kontakto?
Direktorado di Supervishon i Mantenshon di Lei (T&H)
Adrès: Kaya Grandi 56-58
Telefòn: (+599) 715 5330
E-mail: directie_ro@bonairegov.com
Orario di servisio
Djaluna te ku djabièrnè: 8:00 - 16:00 or
Ki lei i regla ta konta aki?
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
