Mata bestia

Matadero na Boneiru ta enkargá ku matamentu di bestia i kùrmentu di karni. Matamentu ta tuma lugá tur dia di siman, pero solamente ku sita.

Na matadero ta traha matadó di bestia, inspektornan, un dòkter di bestia i un atministradó. E matadónan di bestia ta enkargá ku matamentu di bestia i e atministradó ta atendé ku e atministrashon. E inspektornan ta kontrolá si e bestia ta salú promé ku matamentu. Despues di matamentu, ta kùr e karni un biaha mas. E inspektornan ta responsabel tambe pa kùr karni ku ta importá for di otro pais. Kùrmentu di karni ta dirigí tantu riba siguridat di alimento komo prevenshon di malesa di bestia. E dòkter di bestia tin e responsabilidat final tantu pa importashon di karni komo matamentu di bestia. Ademas, e veterinario ta ehekutá otro tareanan médiko di bestia pa prevení malesa di bestia na Boneiru.